प्रकास 2:2 - Dhimal NT

² कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 2:2 Iomraidhean Croise

मत्‍ति 7:23

का नेलाइहेङ हेलाउ बुङ नाल्का मान्थुघा, का नेलाइहेङ झालाफालापा दोअ्ताङका, नेलाइ इङको दुस्ट काम पाकालाइ कासो दुरे हाने।

युहन्‍ना 6:6

येसु उङकोहेङ जाचिलिको भाअ्सिङ इदोइ काथा दोअ्का हिघाहि, हाइपालिपानु वा जेदोङ पालि तोम्का हिघाहि वा इदोइ गिका हिघाहि।

गलाति 1:7

कालाउ बास्ताबता एनोङ खिनिङ सत्ये सुसमाचार हि, कालाउ हेथे द्‍याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे।

एफिसि 4:14

ओदोङ भाअ्सिङ केलाइ जामाललाइ भाइपा माभायाङ, एला केलाइ नाउ भाइपा माजेनाङ जाइहेङ भेरमाहोइ कालाउ चिको उलाउ उलाउको छाल्काहोइ जेसो ओसोङ थुगिल्खे। जाइको माने या कि एला चङख, कालाउ कपटि द्‍याङगेलाइ ताइको धाताइका सिक्स्याहोइ केलाइहेङ दोका मापियाङ।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 5:21

गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

2 तिमोथि 2:19

कालाउ परमेस्वरको द्‍याङगेलाइ बल्लियाका जग भाइका दोङ हि, जेदोङ माहेङगालाइनाखे। कालाउ इदोइ जगता इसिका सब्दगेलाइ लेखेका हि: “प्रभु ताइको द्‍याङगेलाइहेङ नाल्खे” कालाउ जाइ प्रभुको हि वा मारेम्का काम पालि लाअ्लि गोइखे।

हिब्रु 6:10

जेसाङ नेलाइ आसल कामगेलाइ पाका हिसुना कालाउ एला परमेस्वरको मिङता परमेस्वरको द्‍याङगेलाइको भाअ्सिङ प्रेम दोफाङ सेवाको काम पाकाताङ हिसुना, परमेस्वर नेलाइहेङ मानिल्याङ। हाइपालिपानु वा धर्मि हि।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

प्रकास 2:5

फोम पासु लाम्फा नेलाइ हेसा कासेहेङ प्रेम पाघासुखेना, कालाउ एला नेलाइ कासेहेङ इन्सिका प्रेम मापा सुखेना। नेलाइ पाप पालि लाअ्सु कालाउ परमेस्वर भारि घुरिसु कालाउ लाम्फा भाइपाङ कासेहेङ प्रेम पासु। जेसापा नेलाइ पाप पालि मालाअ्सुन्हा कालाउ परमेस्वर भारि मन मापिस्वाना पानु, का नेलाइकोता ल्वाङका कालाउ का नेलाइको चेरादानि जेता हि इन्तासो हातिपातेङ नेलाइहेङ दन्ड प्याङका।

प्रकास 2:6

कालाउ का नेलाइसो हेन्जा खुसि जेङका हिघा, हाइपालिपानु नेलाइ निकोलाइटसको मारेम्का कामगेलाइहेङ सिकाका भाइपाङ का बुङ इम्बालाइको कामगेलाइहेङ सिकाताङका।

प्रकास 2:9

कासेहेङ थाहा हि कि, नासेहेङ साताइका हि कालाउ नाअ् गरिब हिना। कालाउ आत्मिक काथाता ना बास्ताबिक धनि हिना। का इम्बालाइको बारेता गिखा जाइ दाबि पाखे कि इम्बालाइ परमेस्वरको चुनिका यहुदिगेलाइ हि। इम्बालाइ नेलाइको बारेता निन्दाको काथागेलाइ दोअ्खे, कालाउ इम्बालाइ बास्ताबता एनोङ समुहको सदस्यगेलाइ दोङ हि, जेदोङ साइतानको हि।

प्रकास 3:1

येसु कासेहेङ एसा बुङ दोअ्हि, सार्दिस सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ ताइको खुरता न्हि लोङ फुरुगेलाइ चाअ्तेङ ताअ्का हि। कालाउ जाइ परमेस्वरको न्हि लोङ आत्मागेलाइहेङ दिङगिल्पिहि। कासेहेङ नाङको काम थाहा हि कि, नेलाइ का दोफा खाङधुरि योग्य खान्धुराइगेलाइ भाइका तिङसुखेना। कालाउ बास्तबता नेलाइ एला कासेहेङ मापिताइस्वाना।

प्रकास 3:15

कासेहेङ नेलाइको कामगेलाइ थाहा हि कि, ना ते नाअ् खाङधुरिहेङ इन्कार पादोङखेना ना ते कासेहेङ गोताङ ह्रदयहोइ प्रेम पाखेना। का भोखा कि, याते नाअ् कासेहेङ इन्कार पाअ्‌ याते गोताङ ह्रदयहोइ कासेहेङ प्रेम पाअ्‌।

प्रकास 3:8

कासेहेङ नेलाइको कामगेलाइ थाहा हि। का गिखा कि नेलाइ खाङधुरिता हेन्जा बल्लियाका मान्थु सुन्हा। कालाउ जेदोङ का नेलाइहेङ दोअ्घा नेलाइ इङको केम्सुन्हा। कालाउ नेलाइ काङकोता खाङधुरि पातेङ हिसुना। ओदोङ भाअ्सिङ का नाङको भाअ्सिङ फिनु हेअ्का हिघा जेदोङहेङ हासु बुङ गि:लि माद्वाङ।