प्रकास 2:18 - Dhimal NT

¹⁸ येसु कासेहेङ एसा बुङ दोअ्हि, थिआटिरा सहरको मन्डलिको स्वर्गदुतहेङ या सन्‍देस लेखे: का परमेस्वरको चान, नेलाइहेङ इदोइ काथा दोअ्दोङखा, जाइको मिसियाँ मेको दालाङगा-दलाङगाअ्का भाइका हि, जाइको पाइताला चिल्का पातेङ ताअ्का कासको भाइका हि, जेदोङ का नेलाइहेङ दोअ्खा वासेहेङ हिङसु।

प्रकास 2:18 Iomraidhean Croise

मत्‍ति 17:5

जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। बादेल लितासो परमेस्वर नुइ धुइलि तेङहि, “वा काङको मायारु चान, वा दोफा का लेङचाका हिघा वाको दोअ्का काथाता मन पिसु।”

मत्‍ति 27:54

सिपालाइको कप्तान कालाउ येसुहेङ ह्रुम्का सिपालाइ भुइचाल लोका, कालाउ इन्ताको जेङका गोताङ घाटानागेलाइ इम्बालाइ तिङहि, कालाउ इम्बालाइ मारेम्फाङ थिहि। कालाउ इम्बालाइ एसा दोअ्हि, “याते जातिङको परमेस्वरको चान कि रो?”

मत्‍ति 3:17

कालाउ आकाससो परमेस्वरको इसिका एनोङ गाला लोहि, या काङको मायारु चान का वाको दोफा लेङचाका हिघा।

लुका 1:35

उङको स्वर्गदुत मरियमहेङ दोअ्हि, पबित्तरो आत्मा नाअ् दोफा ल्वाङ कालाउ सर्बोच्च परमेस्वरको सरबुङहोइ गान्धि तेअ्ताना, ओदोङ भाअ्सिङ जोलोम जेङका जामाल पबित्तरो जेनावा कालाउ परमेस्वरको चान दोअ्न्हावा।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

युहन्‍ना 1:49

नाथानेल वासेहेङ दोअ्हि, “गुरु ज्यु, नाअ् परमेस्वरको चान दोङ हिना, नाअ् इस्राएल सारभिको राजा दोङ हिना।”

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 3:18

जाइ परमेस्वरको चान ह्रुता खाङधुरि पाखे, इम्बालाइ दन्ड मानिनाङ, भरु वाको ह्रुता खाङधुरि मापाकालाइ चाहि लाम्फाङ दुसिका जेङका हि। हाइपालिपानु इम्बालाइ परमेस्वरको एमि खिनिङ चान ह्रुता खाङधुरि पाका मान्थु।

युहन्‍ना 5:25

जातिङ भारि का नेलाइहेङ दोअ्खा, इङको सोमोइ लोलि दोका हि, कालाउ इङको एलाङ दोङ लोहोइ, जेलाउ झाराङ सिकालाइ का परमेस्वरको चानको गाला हिनावा, कालाउ हिङकालाइ जेलाउ बुङ बान्च्यावा।

साल्न्हाका चात्या 16:14

केलाइको काथा हिङकालाइ मध्ये लिडिया मिङ हिका एमि बेबाल हिघाहि, वा थिआटिरा सहरसो लोका हिघाहि, वा नेल्पा धाबाको ब्यापार पाघाहि। कालाउ वा परमेस्वरको आराधाना पाका बेबाल हिघाहि। पावलको दोअ्का काथाता ध्यान पातेङ हिनाको दोअ्तेङ प्रभु वाको मन खोलि पिहि।

साल्न्हाका चात्या 8:36

कालाउ ओबालाइ दामाता हानिकाताङ पालाउ आधे चि हिका एनोङ पोखोरि तिङहि। कालाउ उङको नपुङसक दोअ्हि, “खाङसु, इता पोखोरि हि, एला कासेहेङ हाइहोइ बप्तिस्ता ह्रुकासो रोकिलि द्वावा रो?”

रोमि 1:4

कालाउ येसु ख्रिस्ट पबित्तरो आत्माको सरबुङसो सिकालाइसो सिन्चाल्हि। कालाउ एसापा परमेस्वर झालाफालापा तिङपाहि कि येसु दोङ परमेस्वरको चान हि।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 2:1

येसु कासेहेङ एसा बुङ दोअ्हि, एफिसस सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ न्हि लोङ फुरुहेङ काङको दाम्पाहा खुरता ताअ्ताङका कालाउ न्हि लोङ सोनाको चेरादानिगेलाइको माझाता ताअ्खे। जेदोङ का नेलाइहेङ दोअ्खा वासेहेङ हिङसु।

प्रकास 2:24

कालाउ थिआटिरा सहरता नाअ् बाकि हिकागेलाइ वाको धाताइका सिक्स्याहेङ केम्का मान्थु सुन्हा। नेलाइ इङको सिक्स्यागेलाइ सुइकार पाका मान्थु सुन्हा जाइ वासेहेङ पिताइकालाइ दोअ्खे, “हेन्जा महत्य पुर्न आमेनेगेलाइ जेदोङ साइतान पिखे।” का नासेहेङ दोअ्खा कि का आरु हिदोइ बुङ महत्य पुर्न आदेस नेलाइ ह्रुता मालादाइ याङका, इदोइ बाहेक कि नाअ् काङकोता बल्लियाका खाङधुरि पातेङ हि जेलाउ थेकापा का माल्वाङका।