प्रकास 2:16 - Dhimal NT

¹⁶ ओदोङ भाअ्सिङ पाप पालि लाअ्सु परमेस्वर भारि घुरिसु, जेसापा नेलाइ इङको पालि मालाअ्सुन्हा पानु, का धेमाङ ल्वाङका कालाउ इङको धाताइका सिक्स्या पिकालाइको बिरोधता का काङको नुइसो ओल्लेका कात्तिहोइ जुदियाङका जेदोङ काङको बचन हि।

प्रकास 2:16 Iomraidhean Croise

एफिसि 6:17

जेसाङ धुमता सिपाइ ताइको पुरिङ बान्चिपालि तोप तुखे, एन्साङ दोङ परमेस्वर नेलाइहेङ साइतानसो बान्चि पावा। कालाउ सिपाइ ताइमिहेङ बान्चिपालिको भाअ्सिङ तरवार चुम्का भाइपा ताइमिहेङ बान्चिपालि परमेस्वरको बचन प्रयोग पासु। जाइ पबित्तरो आत्मा पिखे।

2 थेस्लोनिकि 2:8

कालाउ न्हुसो इङको दुस्ट द्‍याङ देखाल जेनावा। कालाउ आरोङ न्हुसो जेलाउ प्रभु येसु ल्वाङ, वा इङको दुस्ट द्‍याङहेङ ताइको नुइसो ओल्लेका आदेसहोइ कालाउ वाको लोलि तोम्का महिमाहोइ इङकोहेङ सेअ्तावा।

प्रकास 1:16

वाको ताइको दाम्पाहा खुरहोइ न्हि लोङ फुरुगेलाइ रिम्तेङ ताअ्का हिघाहि, कालाउ वाको नुइसो न्हे धार हिका चुका कात्ति ओल्लेका हिघाहि। वाको ह्राइ थाअ्साइतेङ जोल्तेङ हिघाहि जेसाङ आधा दिनाता सोना चिल्कातेङ हिघाहि।

प्रकास 16:9

द्‍याङगेलाइ ओअ्का को कारनसो, इम्बालाइ परमेस्वरहेङ साराप पिहि। हाइपालिपानु परमेस्वर दोफा खिनिङ इसिका साजाइ चुमाका खाबारा हिघाहि। कालाउ बुङ इम्बालाइ पाप पालि लाअ्तेङ परमेस्वर भारि माघुरिहि। कालाउ इम्बालाइ परमेस्वरको महिमाहेङ बुङ सुइकार मापाहि।

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 19:21

आरोङ, जे:का ओह्याँ ह्रुता धोल्का इङको राक्सेस कालाउ गोताङ सेनागेलाइहेङ सेअ्हि, वाको नुइसो ओल्लेका धार हिका कात्तिहोइ झाराङहेङ पाल्हि। सिघुनगेलाइ लोहि कालाउ गोताङ सिका द्‍याङगेलाइको सिका जिउ हामु माआघाइपा थेकापा चाअ्हि।

प्रकास 2:12

येसु कासेहेङ एसा बुङ दोअ्हि, पर्गाममको सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ दोफा धार हिका न्हेधारे कात्ति हि, जेदोङ का नेलाइहेङ दोअ्खा वासेहेङ हिङसु।

प्रकास 2:5

फोम पासु लाम्फा नेलाइ हेसा कासेहेङ प्रेम पाघासुखेना, कालाउ एला नेलाइ कासेहेङ इन्सिका प्रेम मापा सुखेना। नेलाइ पाप पालि लाअ्सु कालाउ परमेस्वर भारि घुरिसु कालाउ लाम्फा भाइपाङ कासेहेङ प्रेम पासु। जेसापा नेलाइ पाप पालि मालाअ्सुन्हा कालाउ परमेस्वर भारि मन मापिस्वाना पानु, का नेलाइकोता ल्वाङका कालाउ का नेलाइको चेरादानि जेता हि इन्तासो हातिपातेङ नेलाइहेङ दन्ड प्याङका।

प्रकास 22:20

इदोइ कितापता लेखेका काथागेलाइको साक्सि येसु दोङ हि। वा दोअ्हि, “निस्चय, का धेमाङ लोदोङखा।” का, युहान्‍ना वासेहेङ जोबाफ पिघा, “आमेन! प्रभु येसु लौउ।”

प्रकास 22:7

येसु दोअ्खे, “हिङसु, का धेमाङ लोदोङखा। इङको द्‍याङगेलाइ धन्य हि जाइ इदोइ कितापता लेखेका आगमबानिको काथाहेङ केम्खे।”

प्रकास 3:19

जाइहेङ का प्रेम पाखा, का इम्बालाइहेङ धिरपाङका कालाउ साजाइ प्याङका कालाउकि इम्बालाइ आसल जेनाको। कालाउ रेम्का कामगेलाइ पालि उत्सुक जेनाको कालाउ पाप पालि लाअ्ताको कालाउ परमेस्वर भारि घुरियाको।