प्रकास 2:13 - Dhimal NT

¹³ कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 2:13 Iomraidhean Croise

मत्‍ति 10:23

जेलाउ द्‍याङगेलाइ नेलाइहेङ परमेस्वरको बचन सुसमाचार पाहि दोअ्तेङ एनोङ सहरता साताइनु भेनेङ सहरता खाअ्तेङ हानेसु। का नेलाइ दोफा जातिङको दोअ्खा, का द्‍याङको चान, मालोसिङ नेलाइ परमेस्वरको बचन सुसमाचार पालि इस्राएल सारभिको गोताङ सहरको द्‍याङगेलाइहेङ मादोस्वाना।

मत्‍ति 24:9

कालाउ न्हुसो नेलाइहेङ द्‍याङगेलाइ बिरोध पावा, द्‍याङगेलाइ नेलाइहेङ साताइयावा कालाउ सेअ्तावा। काङको मिङ ह्रुता खाङधुरि पाकानाङ गोताङ जातिको द्‍याङगेलाइसो नेलाइ घ्रिनित जेङस्वाना।

मत्‍ति 4:10

जेलाउ येसु साइतानहेङ दोअ्हि, “साइतान, इतासो हाने! हाइपालिपानु धर्मसास्तरता इसिका लेखेका हि।” नाअ् दोङ परमप्रभु ताइको परमेस्वरहेङ खिनिङ तुघुरतेङ आराधाना पालि कालाउ वाको खिनिङ सेवा पालि।

लुका 21:17

झाराङ काङको मिङको कारन नेलाइहेङ खाङलि माकितावा।

साल्न्हाका चात्या 22:20

द्‍याङगेलाइ या बुङ गिखे कि, नाङको साक्सि स्तिफनहेङ सेअ्लाउ का बुङ इन्ताङ हिघाखा। वासेहेङ सेअ्कालाइ दोफा सहमत जेङतेङ इम्बालाइको लोखोन धाबागेलाइ सामाराइतेङ हिघाखा।”

साल्न्हाका चात्या 9:14

एला वा इता दमस्कस देराता बुङ नाङकोता खाङधुरि पाका द्‍याङगेलाइ झाराङहेङ रिम्तेङ यरुसेलेम सहर चुम्पुलि खाबारा मुलि पुजारिगेलाइसो निङका हि।”

1 थेस्लोनिकि 5:21

गोताङ सन्‍देस जाचे कि इङको परमेस्वरसो लोका हि कि माको, कालाउ रेम्का सन्देसगेलाइहेङ सुइकार पातेङ केम्सु।

1तिमोथि 5:8

जेसापा हासु बुङ ताइकोगेलाइको कालाउ बिसेस पातेङ ताइकोङ जाहानहेङ रेम्फा मापोसिनु वा येसु ख्रिस्टहेङ खाङधुरि मापाखे, कालाउ खाङधुरि मापाकालाइ खान्तेङ बुङ खाराब हिखे।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 2:12

जेसापा केलाइ वाको भाअ्सिङ दुख सहिन्हाखे पानु, केलाइ बुङ वाको दोफाङ राजा भाइपाङ सासन पाङ, कालाउ केलाइ वासेहेङ इन्कार मापानु, वा बुङ केलाइहेङ इन्कार मापावा।

हिब्रु 10:23

केलाइको ताअ्का आस जेदोङ केलाइ दोफा हि दोअ्तेङ केलाइ दाबि पान्हाखे इङकोहेङ बलियापा चाअ्तेङ ताअ्ताइने, हाइपालिपानु परमेस्वरको प्रतिग्या पाका गोताङ काथा खाङधुरि योग्य दोफाङ पुरा पाङ।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

याकुब 2:7

हाइ इम्बालाइ इङकोङ आदारनिय येसुको मिङको निन्दा मापाखे रो? जेदोङ मिङसो नेलाइहेङ काइका हि?

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 11:3

इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 13:2

जेदोङ राक्सेस का तिङघा वा नाइभिरि भाइका हिघाहि, कालाउ वाको खोकोइगेलाइ लोकाराको भाइका हिघाहि, कालाउ वाको नुइ खुवाँको नुइ भाइका हिघाहि। बारका आजिङगर ताइको सरबुङ इङको राक्सेसहेङ पिहि कालाउ वासेहेङ प्रिथिबि ह्रुता सासन पालि खाबारा पिहि।

प्रकास 14:12

ओदोङ भाअ्सिङ इदोइ बुझिलि जरुरि हि कि परमेस्वरको द्‍याङगेलाइ गोताङ कस्टगेलाइ बुङ सहिलि गोइखे। ओबालाइ परमेस्वरको आग्यागेलाइ केमावा कालाउ येसुता खाङधुरि पालि मालातावा।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 17:6

कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 3:11

का धेमाङ लोदोङखा, कालाउ नाअ् बल्लियाका खाङधुरि ताअ्तेङ ताअ्लि गोइयाना, कालाउकि हासु बुङ नाङको बिजोइको इनाम घिङलि माद्वाको।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।