प्रकास 2:10 - Dhimal NT

¹⁰ नाअ् भोगिलि तोम्का कस्टसो माअ्थि। साइतान नेलाइ मध्ये हेथेहेङ द्‍याङगेलाइसो रिम्पाखे कालाउ नेलाइहेङ जाचिलिको भाअ्सिङ झ्यालखानाता पिगिल्खे। नाअ् ते दिनाको भाअ्सिङ बार्का समस्याको आनुभब पान्हा। कालाउ नेलाइहेङ सेअ्लाउ बुङ नेलाइ हेलाउ बुङ हारेस माचासु काङकोता खाङधुरि पासु, हाइपालिपानु का नेलाइहेङ आनान्त जिबन प्याङका, इङको चाहि नाङको जिति का को इनाम जेनाङ।

प्रकास 2:10 Iomraidhean Croise

मत्‍ति 10:22

हाइपालिपानु नेलाइ काङको ह्रुता खाङधुरि पास्वाना नेलाइहेङ झाराङ थोअ्तावा। कालाउ जाइ का ह्रुता खाङधुरि पातेङ हि कालाउ जाइ चाहि ताइको जिबन आम्तिम थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

मत्‍ति 10:28

द्‍याङगेलाइसो माअ्थिसु, ओबालाइ नाङको जिउहेङ खिनिङ सेअ्तावा कालाउ प्रानहेङ सेअ्लि मादावा। नेलाइ वासेहेङ खिनिङ थिलि गोइस्वाना जेदोङ परमेस्वर नाङको जिउ कालाउ प्रानहेङ नरकता चुम्पुखे।

मत्‍ति 24:13

जाइ चाहि ताइको जिबन लास्ता थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

मर्कुस 13:13

हाइपालिपानु नेलाइ काङको मिङ ह्रुता खाङधुरि पानाङ नेलाइहेङ झाराङ थोअ्तावा। कालाउ जाइ का ह्रुता खाङधुरि पातेङ हि कालाउ जाइ चाहि ताइको जिबन आम्तिम थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

मर्कुस 8:35

हाइपालिपानु जाइ या सुमिङता ताइको प्रान बान्चिपालि खाङखे वा मोअ्पावा, कालाउ इम्बालाइ जाइ काङको भाअ्सिङ कालाउ सुसमाचारको भाअ्सिङ प्रान मोअ्पाखे, वा जातिङको जिबन निनावा।

लुका 21:12

कालाउ इदोइ घाटानागेलाइ जेङलि खान्तेङ लाम्फा द्‍याङगेलाइ काङको मिङको कारन नेलाइहेङ रिमावा, साताइयावा कालाउ चाउघारा साअ्गेलाइता चुम्पुतेङ द्वालिहोइ म्हेतावा कालाउ झ्यालखानाता ह्वातावा। आरोङ इम्बालाइ नेलाइहेङ राजा कालाउ बार्का हाकिमगेलाइको आगाता जाअ्पावा।

युहन्‍ना 12:25

ताइको जिबनको मायारु पाकालाइ आनान्त जिबन मोअ्पावा, कालाउ ताइको जिबनहेङ इदोइ सुमिङता हाइ दोङ मासम्झिखे वा चाहि आनान्त जिबन जोगाइतेङ ताअ्तावा।

युहन्‍ना 13:2

येसु ताइको चात्यागेलाइ दोफा दिलिमाको उम चाघाहि। इङको बेला साइतान सिमोनको चान यहुदा इस्कोरियतको मनता येसुहेङ धोका पिका बिचार लाम्फासोङ मनता ह्वापिका हिघाहि।

युहन्‍ना 13:27

जेसाङ यहुदा तोलेको टुक्रा चातेङ न्हुसो, येसु वासेहेङ दोअ्हि, नाअ् जेदोङ पालि खाङखेना इङको धेमाङ पाअ्‌। कालाउ न्हुसो यहुदाता साइतान दुल्हि।

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

1 कोरिन्थि 9:25

धाअ्काता भाग ह्रुलि गोइका खेलाडिगेलाइ जिउहेङ काबुता पालि आभ्यास पाखे। इम्बालाइते जितिलि कालाउ साम्मान निङलि एन्सा पाखे, इम्बालाइते चुतेङ हानिका ल्हाफाको माला निङखे जेदोङ हेन्जा सोमोइ थेकापा माहिखे। कालाउ केलाइ चाहि साम्मान कालाउ जेलाउ बुङ हिका आसिसको भाअ्सिङ इसिका पानाखे।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 6:12

हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

याकुब 1:12

उङको द्‍याङ धन्यको हि, जाइ जाचता स्थिर हिखे, हाइपालिपानु ताइको खाङधुरि प्रमानित पालि दोतेङ वा आनान्त जिबनको इनाम निनावा, जाइ परमेस्वर वासेहेङ प्रेम पाका झाराङहेङ पिका प्रतिग्या पाका हि।

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 13:2

जेदोङ राक्सेस का तिङघा वा नाइभिरि भाइका हिघाहि, कालाउ वाको खोकोइगेलाइ लोकाराको भाइका हिघाहि, कालाउ वाको नुइ खुवाँको नुइ भाइका हिघाहि। बारका आजिङगर ताइको सरबुङ इङको राक्सेसहेङ पिहि कालाउ वासेहेङ प्रिथिबि ह्रुता सासन पालि खाबारा पिहि।

प्रकास 13:7

परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 2:9

कासेहेङ थाहा हि कि, नासेहेङ साताइका हि कालाउ नाअ् गरिब हिना। कालाउ आत्मिक काथाता ना बास्ताबिक धनि हिना। का इम्बालाइको बारेता गिखा जाइ दाबि पाखे कि इम्बालाइ परमेस्वरको चुनिका यहुदिगेलाइ हि। इम्बालाइ नेलाइको बारेता निन्दाको काथागेलाइ दोअ्खे, कालाउ इम्बालाइ बास्ताबता एनोङ समुहको सदस्यगेलाइ दोङ हि, जेदोङ साइतानको हि।