प्रकास 19:7 - Dhimal NT

⁷ केलाइ झाराङ खुसि जेनाइने कालाउ आनान्द मानाइने कालाउ वासेहेङ बाखानाइ प्याइने। एला इदोइ सोमोइ हि जाइ येसु जाइ थुमा हि, जेलाउलाउको भाअ्सिङ ताइको द्‍याङगेलाइ दोफा मिलियावा, इङको दारा भाइपा जाइ ताइको दारइवाइनि दोफा बिहु पाखे। हाइपालिपानु वा द्‍याङगेलाइहेङ ताइमिहेङ वाको दोफा मिलिलि तियार पाखे।

प्रकास 19:7 Iomraidhean Croise

मत्‍ति 1:20

जेलाउ इसिका बिचार पालाउ परमप्रभुको स्वर्गदुत वाको सोपन्ता देखाल जेङतेङ दोअ्हि, “योसेफ, राजा दाउदको हारागुटिया, मरियमहेङ ताइको बे बानाइलि माअ्थि। हाइपालिपानु जाइ वाको हामुता हि, वाते पबित्तरो आत्माको सरबुङसो जेङका हि।

मत्‍ति 22:2

परमेस्वरको सासन एमि राजा भाइका हि, जाइ ताइको चानको बिहुको भातियार तियार पाहि,

लुका 12:36

नेलाइ बिहुको भातियारता घुरितेङ लोका गिह्रिको दामा खाङतेङ हिका चाकारियागेलाइ भाइपाङ जेङसु। गिह्रि लोतेङ फिनु ढकढक पातेङसाङ ओबालाइ फिनु हेअ्पिखे।

युहन्‍ना 3:29

दारा दरवाइनि दोफा बिहु पाखे, कालाउ दाराको लोकोन्दि जाअ्तेङ दाराको काथा हिङतेङ खुसि जेङखे, एसापा दोङ काङको ह्रदय आनन्दहोइ एला भरि पुर्न जेङका हि।

2 कोरिन्थि 11:2

परमेस्वर नेलाइको बारेता चिन्ता पाका कोनिङ का बुङ चिन्ता पाका हिघा, का बाचा पाखा कि नेलाइको एमि खिनिङ के ख्रिस्टहेङ प्याङका, जेसाङ बिहु जेङखे कालाउ एमि आबा ताइको धानि चामिन्दिहेङ वाको के हेङ पिका भाइका हि।

एफिसि 5:23

हाइपालिपानु के बे को पुरिङ हि, जेसाङ ख्रिस्ट मन्डलिको पुरिङ हिका हि, ख्रिस्ट मन्डलिको मुक्ति दाता हि, जेदोङ वाको ताइकोङ जिउ हि।

एफिसि 5:32

या एनोङ बार्का रहस्य धर्मसास्तरता देखाल जेङका हि, जाइ का ख्रिस्ट कालाउ मन्डलिको सम्बन्धता लागु पातेङ बुझियाङका।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

प्रकास 11:13

एन्सालाउ दोङ एनोङ बार्का भुइचाल यरुसेलेम सहरता हानिहि, सहरको साअ् तेतेङ भाग भाअ्पाहि। इदोइ भुइचाल को कारान, न्हि-हाजार द्‍याङगेलाइ सेन्हाहि। बाकि हिका द्‍याङगेलाइ थिहि, ओदोङ भाअ्सिङ इङको स्वर्गता हिका परमेस्वरको महिमा पालि तेङहि।

प्रकास 19:9

कालाउ इङको स्वर्गदुत कासेहेङ दोअ्हि, “इदोइ काथाहेङ लेखे: थुमाको बिहुको भातियार मानिलिको भाअ्सिङ, जेदोङ द्‍याङगेलाइ नेउता निङहि इम्बालाइ धन्यको हि।” वा आरोङ कासेहेङ दोअ्हि, “इदोइ सत्ये बचन परमेस्वर दोअ्हि।”

प्रकास 21:2

का पबित्तरो सहरहेङ बुङ तिङघा जेदोङ नावा यरुसेलेम हि। इदोइ परमेस्वरसो स्वर्ग लेता खुतेङ लोखे। इङको सहरहेङ दारवाइनि भाइपा तियार पाका हिघाहि, कालाउ वासेहेङ बोन्हा बोअ्पातेङ साजाइतेङ ताअ्हि कालाउ दारा दोफा बिहु पालि तियार हि।

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”