प्रकास 19:4 - Dhimal NT

⁴ कालाउ इङको सोमोइ, ए कुरि द्‍यामि आगुवागेलाइ कालाउ द्‍यालोङ हुसि हिका प्रानिगेलाइ तुघुरहि कालाउ सिङहासनता योम्तेङ परमेस्वरको आराधाना पाहि। इम्बालाइ एसा दोअ्घाहि, “आमेन, हाल्लेलुयाह!”

प्रकास 19:4 Iomraidhean Croise

मत्‍ति 28:20

का नेलाइहेङ आग्या पिका गोताङ काथागेलाइ पालि इम्बालाइहेङ धिरपासु। खाङसु, का युगको दोका थेकापा नेलाइ दोफा का ह्याङका।”

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

1 कोरिन्थि 14:16

जेसाङ हिदोइ बुङ नावा द्‍याङ नेलाइको मन्डलिता लोखे कालाउ जेलाउ नेलाइ आराधानाता परमेस्वरको बाखानाइ आत्माहोइ पादोङ सुखेना, जेसापा इङको द्‍याङ नेलाइको दोअ्का माबुझिखे कि, नेलाइ परमेस्वरको बाखानाइ पासुखेना, कालाउ वा हेसा थाहा गिलि कि हेलाउ नाङको दोअ्का काथाता आमेन दोअ्लि?

प्रकास 19:1

बल्लियाका स्वर्गदुत नुइ धुइलि दोतेङ न्हुसो, का स्वर्गता हेन्जा द्‍याङगेलाइ ले लेका गाला भाइका हिङघा: “हाल्लेलुयाह! नाअ् दोङ हिना जाइ झाराङ द्‍याङगेलाहेङ मुक्ति पिखेना। केलाइ परमेस्वरहेङ गोताङ महिमा पिनाखे। एला नाअ् ताइको सरबुङको प्रयोग पाअ्‌ कालाउ राजाको भाइपा सासन पाअ्‌!

प्रकास 19:3

कालाउ आरोङ द्‍याङगेलाइ एखे ले लेका गाला भाइका हिङघा: “हाल्लेलुयाह! बेबिलोन सहरहेङ ओपाका मेको धुवा हेलाउ बुङ तिलि मागानाङ।”

प्रकास 19:6

कालाउ न्हुसो, का हेन्जाङ द्‍याङगेलाइको ह्रिकाइका भाइका बारका गाला हिङघा। इम्बालाइको ह्रिकाइका हेन्जा ओसारापाङ बारका चिको झरना भाइकाङ हिघाहि, कालाउ बादेलसो गद्द्‍याङ-गुद्द्‍याङको गाला भाइका हिघाहि। इम्बालाइ दोअ्हि, “हाल्लेलुया! परमेस्वर केलाइको परमप्रभु, गोताङ सरबुङ हि, कालाउ वा राजा जाइ सासन पाखे।

प्रकास 5:14

कालाउ इङको द्‍यालोङ हुसि हिका प्रानिगेलाइ दोअ्हि। “आमेन।” कालाउ उङको आगुवाहगेलाइ तुघुरतेङ कालाउ आराधाना पाहि।