प्रकास 19:12 - Dhimal NT

¹² वाको मिसियाँ जोल्का तिका मे भाइका हिघाहि। कालाउ वा ताइको पुरिङता हेन्जा मुकुट तु:का हिघाहि। कालाउ वाको जिउता एनोङ मिङ लेखेका हिघाहि, कालाउ वा दोङ इङको मिङको माने हिघाहि।

प्रकास 19:12 Iomraidhean Croise

मत्‍ति 11:27

काङको आबा कासेहेङ गोताङ काथाको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

मत्‍ति 21:5

“सियोनको द्‍याङगेलाइ दोअ्सु, खाङसु, नेलाइको राजा नेलाइकोता लोदोङखे, मोनोइ जेङतेङ गधा ह्रुता सवार जेङतेङ, एनोङ गधाको चान ह्रुता धोल्तेङ।”

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

लुका 10:22

काङको आबा कासेहेङ गोताङ आनेमानेको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 17:11

एला का इदोइ सुमिङता माह्याङका, कालाउ का नाङकोता लोदोङखा कालाउ काङको चात्यागेलाइ एला बुङ इदोइ सुमिङता हि। हे पबित्तरो आबा नाअ् दोङ कासेहेङ पिका द्‍याङगेलाइहेङ ताइको सरबुङहोइ इम्बालाइहेङ जोगाइतेङ ताअ् कालाउ इम्बालाइ बुङ केलाइ भाइपाङ एनोङ दोङ ज्याको।

युहन्‍ना 17:12

जेलाउ थेकापा का इम्बालाइ दोफा हिघाखा, हे पबित्तरो आबा नाअ् दोङ कासेहेङ पिका ताइको सरबुङहोइ का इम्बालाइहेङ जोगाइतेङ ताअ्घा। कालाउ का इम्बालाइहेङ सामाराइतेङ ताअ्घा। कालाउ नास हिका द्‍याङगेलाइ बाहेक का हासुहेङ बुङ नासालि मापिघा। कालाउकि धर्मसास्तरता लेखेका काथा पुरा ज्याको।

एफिसि 1:21

इन्ता ख्रिस्ट गोताङ सासकगेलाइ, आधिकारिगेलाइ, सरबुङगेलाइ, कालाउ राजागेलाइ खान्तेङ ह्रुता, कालाउ इदोइ युगको खिनिङ माको, कालाउ लोका युगता बुङ गोताङ उपादिगेलाइ खान्तेङ झाउका हि।

हिब्रु 2:9

कालाउ सत्ये इदोइ दोङ हि कि, आले सोमोइको भाअ्सिङ येसु ख्रिस्ट स्वर्गदुतगेलाइ खान्तेङ आतुइसा म्हुइका जेङपिहि, कालाउ परमेस्वरको आनुग्रहहोइ येसु सुमिङको गोताङ द्‍याङगेलाइको भाअ्सिङ कस्ट भोगिहि कालाउ सिहि। ओदोङ भाअ्सिङ परमेस्वर वासेहेङ महिमा कालाउ आदार पिहि।

प्रकास 1:14

वाको पुरिङको पुसुङ कापाइ माकुनु हिउ भाइपा हेन्जा जे:का कालाउ उन भाइपा जाहाँका हिघाहि, कालाउ वाको मिसियाँ जोल्का तिका मे भाइका हिघाहि।

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 13:1

एनोङ, राक्सेस समुन्द्रसो बाहार ओल्लेतेङ लोका का तिङघा। वाको न्हि लोङ पुरिङ हिघाहि कालाउ तेलोङ दाङगेलाइ हिघाहि वाको गोताङ दाङता मुकुट हिघाहि। वाको गोताङ पुरिङता परमेस्वरको बिरोध पाका मिङ लेखेका हिघाहि।

प्रकास 19:16

वाको लोखोन धाबा कालाउ दाम्पाहा फिला ह्रुता एनोङ मिङ लेखेका हिघाहि, थुमा “प्रभुगेलाइको प्रभु” कालाउ राजागेलाइको राजा हि।

प्रकास 3:12

जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।

प्रकास 6:2

कालाउ इन्ता कासेहेङ एनोङ जेका रङको ओह्याँ तिङपा पिहि, इङको ह्रुता सावार जेङका दोफा एनोङ धनु हिघाहि, कालाउ उङकोहेङ एनोङ मुकुट पिहि। वा स्वर्गसो ओल्लेतेङ प्रिथिबिता हानिहि, वाको भाइपा जेदोङ लाम्फा बिजोइ जेङका हि कालाउ आरोङ बिजोइ जेनाङ।