प्रकास 19:10 - Dhimal NT

¹⁰ जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”

प्रकास 19:10 Iomraidhean Croise

मत्‍ति 4:10

जेलाउ येसु साइतानहेङ दोअ्हि, “साइतान, इतासो हाने! हाइपालिपानु धर्मसास्तरता इसिका लेखेका हि।” नाअ् दोङ परमप्रभु ताइको परमेस्वरहेङ खिनिङ तुघुरतेङ आराधाना पालि कालाउ वाको खिनिङ सेवा पालि।

मर्कुस 5:22

कालाउ यहुदिगेलाइको चाउघारा साअ्को माझि वाराङ मध्येसो एमि याइरस मिङ हिका येसुकोता लोहि। वा येसुहेङ तिङतेङसाङ येसुको खोकोइता तुघुरतेङ सेउपाहि।

मर्कुस 7:25

एमि भुत-आत्मा धेल्का बेजानको आमाइ येसुको बारेता हिङतेङसा वाकोता लोहि कालाउ वाको खोकोइता तुघुरहि।

लुका 1:19

स्वर्गदुत उत्तारा पिहि, का गाब्रिएल परमेस्वरको आगाता जाअ्ताङका, वा दोङ कासेहेङ नाङको दोफा खुसिको काथा पालि कालाउ प्राचार पालि दिङगिल्का हि।

लुका 24:44

कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

युहन्‍ना 5:39

नेलाइ धर्मसास्तरता ध्यान पातेङ आध्यान पासुखेना, हाइपालिपानु इन्ता आनान्त जिबन निनाङबे दोअ्तेङ, नेलाइ मानिसुखेना। काङको बिसोइता धर्मसास्तर दोङ साक्सि पिखे।

साल्न्हाका चात्या 10:43

गोताङ परमेस्वरको बक्तागेलाइ येसुको साक्सि पिका हि, कि ख्रिस्ट क्रुस्टता जेदोङ पाहि वाको ह्रुता खाङधुरि पाका झाराङ वाको मिङसो पापको स्यामा निनावा।”

साल्न्हाका चात्या 13:27

यरुसेलेम सहरको द्‍याङगेलाइ कालाउ इम्बालाइको आगुवागेलाइ येसु ख्रिस्टहेङ नाल्लि मादोहि। कालाउ जेलाउ बुङ परमेस्वरको पबित्तरो दिनाता पढेका परमेस्वरको बक्तागेलाइको बचनगेलाइ इम्बालाइ माबुझिहि। ओदोङ भाअ्सिङ इम्बालाइ येसुहेङ दुसिहि कालाउ एसापा परमेस्वरको बक्तागेलाइको बचन पुरा जेङहि।

2 कोरिन्थि 8:7

कालाउ जेसाङ गोताङ काथाता नेलाइ बाढेतेङ हानेका हिसुना जेसाङ, खाङधुरिता, प्राचार माकुनु धिरपालि, ग्यानता, गोताङ जोसता कालाउ केलाइ दोफा नेलाइको प्रेमता, गरिब खान्धुराइनेलाइहेङ दान पिका कामता बुङ बाढेकाताङ हानेसु।

एफिसि 5:15

ओदोङ भाअ्सिङ नेलाइ हेसा जियाइस्वाना इङको बारेता हेन्जाङ ख्याल पासु। मुर्खगेलाइ भाइपा माको भरु बुद्दिमानि भाइपा जिबन जियाइसु।

एफिसि 5:33

कालाउ या काथा नेलाइता बुङ लागु जेङखे, नेलाइ झाराङ ताइको बे हेङ ताइमिहेङ भाइपाङ प्रेम पालि गोइखे, कालाउ बे बुङ ताइको के हेङ आदार पालि गोइखे।

फिलिप्पि 3:3

हाइपालिपानु केलाइ परमेस्वरको आत्मासो आराधाना पानाखे, कालाउ येसु ख्रिस्टता गर्ब पानाखे कालाउ मानिमुइ कोसिसता भर मापरिनाखे, हाइपालिपानु केलाइ जातिङकोङ परमेस्वरको द्‍याङगेलाइ दोङ हिनाहि।

1 थेस्लोनिकि 5:15

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

हिब्रु 1:14

कालाउ स्वर्गदुतगेलाइको उदेस्य हाइ कुनु? इम्बालाइ परमेस्वरको सेवा पाका खिनिङ हि। परमेस्वर इम्बालाइहेङ मुक्ति निङलि हानिका द्‍याङगेलाइहेङ साघाइलि दिङगिल पिहि।

हिब्रु 12:25

चङख हिसु, जाइ नुइ धुइदोङखे वाको दोअ्का काथा हिङलिसो मानाइ मापासु, हाइपालिपानु जेसापा प्रिथिबिता चेताउनि पिका मोसाहेङ इन्कार पाका इस्राएल सारभिको द्‍याङगेलाइ परमेस्वरको दन्डसो माबान्चिहि पानु, कालाउ स्वर्गसो चेताउनि पिका परमेस्वरको दोअ्का काथा हिङलि माकिहि पानु केलाइ जातिङ भारि इङको दन्डसो बान्चिलि माद्वाङ।

१ युहन्‍ना 5:10

जाइ परमेस्वरको चान येसु ह्रुता खाङधुरि पाखे, वाको हृदयता इङको काथाको साक्सि हिखे। परमेस्वरता खाङधुरि मापाका परमेस्वरहेङ धातुवा बानाइका हिखे, हाइपालिपानु परमेस्वर ताइको चानको बिसोइता पिका साक्सिता वा खाङधुरि पाका मान्थुखे।

१ युहन्‍ना 5:21

नेलाइ जाइ काङको आनाउ जामाललाइ भाइका हिसुना, जेदोङ काथाहोइ नासेहेङ परमेस्वरसो दुरे बानाइखे इङको काथासो आलाग हिसु।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 12:17

याको कारान इङको बारका आजिङगर बेबाल दोफा हेन्जा चेर ताम्पाहि। ओदोङ भाअ्सिङ, वा उङको बेबालको सान्तानको बिरोधता धुम पालि घोसाना पाहि। इङको या द्‍याङ हि जाइ परमेस्वरको आग्या केम्खे। कालाउ जेलाउ बुङ थुमा दोङ प्रभु हि दोअ्तेङ इङको इस्थिर हिखे।

प्रकास 14:7

वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 15:4

“हे प्रभु, नासेहेङ झाराङ द्‍याङगेलाइ थिखे, कालाउ झाराङ नाङको मिङको साम्मान पाखे, हाइपालिपानु नाअ् खिनिङ पबित्तरो परमेस्वर हिना। गोताङ सारभिको गोताङ द्‍याङगेलाइ नाङकोता लोखे कालाउ नाङको आराधाना पाखे, हाइपालिपानु नाङको धार्मिक कामगेलाइ झाराङ गिखे।”

प्रकास 19:9

कालाउ इङको स्वर्गदुत कासेहेङ दोअ्हि, “इदोइ काथाहेङ लेखे: थुमाको बिहुको भातियार मानिलिको भाअ्सिङ, जेदोङ द्‍याङगेलाइ नेउता निङहि इम्बालाइ धन्यको हि।” वा आरोङ कासेहेङ दोअ्हि, “इदोइ सत्ये बचन परमेस्वर दोअ्हि।”