प्रकास 19:1 - Dhimal NT

¹ बल्लियाका स्वर्गदुत नुइ धुइलि दोतेङ न्हुसो, का स्वर्गता हेन्जा द्‍याङगेलाइ ले लेका गाला भाइका हिङघा: “हाल्लेलुयाह! नाअ् दोङ हिना जाइ झाराङ द्‍याङगेलाहेङ मुक्ति पिखेना। केलाइ परमेस्वरहेङ गोताङ महिमा पिनाखे। एला नाअ् ताइको सरबुङको प्रयोग पाअ्‌ कालाउ राजाको भाइपा सासन पाअ्‌!

प्रकास 19:1 Iomraidhean Croise

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 12:10

कालाउ का स्वर्गता एनोङ बारका गालासो एसा दोअ्तेङ हिका हिङघा, “एला केलाइको परमेस्वर ताइको द्‍याङगेलाइहेङ बान्चि पावा! एला वा ताइको सरबुङको प्रयोग पाङ कालाउ राजाको रुपता सासन पाङ! एला वाको ख्रिस्ट सुमिङता ताइको खाबारा दाबि पाङ! हाइपालिपानु साइतान एलासो चुम्तेङ परमेस्वरको आगाता जाअ्तेङ, केलाइ दोफा काम पाका दादा-ओनेगेलाइहेङ न्हिसिन नितिम मादुसियाङ, हाइपालिपानु साइतानहेङ स्वर्गसो बाहार थाइगिल्पिहि।

प्रकास 19:6

कालाउ न्हुसो, का हेन्जाङ द्‍याङगेलाइको ह्रिकाइका भाइका बारका गाला हिङघा। इम्बालाइको ह्रिकाइका हेन्जा ओसारापाङ बारका चिको झरना भाइकाङ हिघाहि, कालाउ बादेलसो गद्द्‍याङ-गुद्द्‍याङको गाला भाइका हिघाहि। इम्बालाइ दोअ्हि, “हाल्लेलुया! परमेस्वर केलाइको परमप्रभु, गोताङ सरबुङ हि, कालाउ वा राजा जाइ सासन पाखे।