प्रकास 18:2 - Dhimal NT

² वा बारका गालाहोइ दोअ्हि, “एला या नासा हि। माहान बेबिलोन सहर हेन्जा नासा हि। हाइपालिपानु गोताङ खाल्को भुत-आत्मागेलाइ, इन्ता हिलि तेङहि। इन्ता सिकाका न्हाम्का जिहाँ जुइलेङगेलाइ ताइको बासा ज्वाङ।

प्रकास 18:2 Iomraidhean Croise

प्रकास 1:15

वाको पाइतालागेलाइ मेको वाङखाराका घाराता ओपातेङ तल्काइका कासाको भाइका हिघाहि, कालाउ वाको गाला चाहि चालाचुलुका चि गेलाइको गाला भाइका हिघाहि।

प्रकास 10:3

उङको स्वर्गदुत बारका गालाहोइ ह्रिकाइहि कालाउ वाको गाला खुहाँको गर्जनको गाला भाइका हिघाहि। जेलाउ वा ह्रिकाइहि, कालाउ न्हि लोङ बारका गालासो वासेहेङ जोबाफ पिहि, जेदोङ इङको गर्जनको गाला भाइका हिघाहि।

प्रकास 11:8

इङको न्हेनोङ साक्सिगेलाइहेङ सेअ्लि दोतेङ, इम्बालाइको लासगेलाइ बारका सहर यरुसेलेमको सडकता एन्साङ लाअ्प्याङ, जेता इम्बालाइको प्रभुहेङ क्रुस्टता तोइका हिघाहि। साङकेतिक भासाता इङको सहर सोदोम माकुनु मिस्रो सारभि जेङलि द्वाङ। हाइपालिपानु इङको सहरता हिका द्‍याङ सोदोम सहर माकुनु इजिप्टता हिका भाइपा हेन्जा दुस्ट द्‍याङ हि।

प्रकास 14:15

ठिक एन्सालाउ दोङ, एमि भेनेङ स्वर्गदुत स्वर्गको मुन्दिरसो परमेस्वरको सन्‍देस चुम्तेङ बाहार लोहि। वा द्‍यातेङ स्वर्गदुत हि। वा बादेल ह्रुता योम्तेङ हिका द्‍याङसो आहुतेङ दोअ्हि, “प्रिथिबिता बालि मिङलि दोहोइ। बालि चेका सोमोइ लोहोइ। ओदोङ भाअ्सिङ एला ताइको काचियासो बालि चेसु।”

प्रकास 14:8

इन्ता भेनेङ स्वर्गदुत बुङ हिघाहि जाइ लाङति स्वर्गदुतहेङ पिताइतेङ दोअ्हि, “एला या नासा हि। बेबिलोन सहर हेन्जा नासा हि। इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि, वा गोताङ द्‍याङ जातिगेलाइहेङ ओसारापा हेन्जा मारेम्का ब्यभार धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 16:13

कालाउ न्हुसो, का सुमलोङ भुत-आत्मा तिङघा जाइ चोम्फेगेलाइ भाइपा तिङघाखे। लाङति बारका आजिङगरको नुइसो बाहार ओल्लेहि, न्हेतेङ लाङति राक्सेसको नुइसो बाहार लोहि, कालाउ सुमतेङ राक्सेसको नुइसो बाहार लोहि, जाइ धाताइका आगमबानि पिघाहि।

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।

प्रकास 17:5

वाको कापालता, म्होन्हाका को आर्था ताअ्का एनोङ मिङ इसिका लेखेका हिघाहि, “का माहान सहर बेबिलोन हिघा। का गोताङ वेस्यागेलाइको आमाइ हिघा कालाउ सुमिङता हिका गोताङ द्‍याङगेलाइहेङ का सिद्रिका कामगेलाइ पापाका।”

प्रकास 18:10

कालाउ इदोइ थिकाहोइ इङको जेदोङ पिडा वाको ह्रुता लोहि इङको वाको ह्रुता बुङ ल्वावा, वा दुरे हानितेङ दोअ्हि, “ओइ बारका सहर बेबिलोन! ओइ बल्लियाका सहर! नाअ् बुङ हेथे थिलि गोइका हि। परमेस्वर नासेहेङ आचानाक साजाइ पिहि।”

प्रकास 18:21

कालाउ का एनोङ बल्लियाका स्वर्गदुतहेङ तिङघा, जाइ जान्ता भाइका बारका उन्ठुइ तोल्लेका हिघाहि। वा एसा दोअ्काताङ इङकोहेङ समुन्द्रता थाइगिल्हि, “एसापा दोङ बारका सहर बेबिलोन बुङ हेन्जा हिङसानाङ नासाताङ। जेदोङ सुमुन्द्रता थाइगिल्का उन्ठुइ माघुरियाङ, बेबिलोन सहर बुङ हेलाउ बुङ मातिनाङ।

प्रकास 5:2

कालाउ एमि बल्लियाका स्वर्गदुतहेङ बार्का गालाहोइ एसा दोअ्तेङ हिका का तिङघा, “इदोइ मोहोर थुरलि कालाउ किताप खोलेलि खाबारा हासुहेङ हि?”