प्रकास 18:11 - Dhimal NT

¹¹ प्रिथिबिको ब्यापारिगेलाइ वाको भाअ्सिङ खारावा कालाउ वाको भाअ्सिङ जिउधाइ ल्होपाङ तुम्ता थेकावा, हाइपालिपानु एला इसिका हासु बुङ मान्थु जाइ वाको पि:का आमेनेगेलाइ चोल्लि।

प्रकास 18:11 Iomraidhean Croise

मत्‍ति 22:5

कालाउ निम्ताइकागेलाइ वास्ताङ मापाहि, उङको द्‍याङगेलाइ ता-ताइको कामता हानिहि। आधिमि ताइको मिलिङता हानेहि, कालाउ आधे चाहि ताइको ब्यापारको कामता हानेहि।

युहन्‍ना 2:16

कालाउ कुर्जा पिकालाइहेङ वा दोअ्हि, “इतासो इदोइ चुम्पुसु। काङको आबाको साअ्हेङ बेपार घाका साअ् माबानाइसु।”

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

प्रकास 18:15

इदोइ ब्यापारिगेलाइ जाइ इङको नगरता ब्यापार पातेङ धनि जेङहि कालाउ इदोइ थिकाहोइ इङको जेदोङ पिडा वाको ह्रुता लोहि इङको वाको ह्रुता बुङ ल्वावा, वाकोसो वा दुरे हानितेङ जाअ्हि कालाउ वा खारावा जिउधाइ ल्होपाङ तुम्ता थेकावा।

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 18:23

नाङकोता द्‍याङगेलाइ आरोङ हेलाउ बुङ गेसाको जोल्तेङ हिका फाइसालामका मातिनाङ, इम्बालाइ आरोङ हेलाउ बुङ वाजान कालाउ बेजानको बिहु पाकाको गाला माहिनाङ। इन्ताको ब्यापारिगेलाइ गोताङ सुमिङता झाराङ खान्तेङ प्रभाबसालि हिघाहि। कालाउ इन्ताको जादुगरगेलाइ सुमिङको गोताङ द्‍याङगेलाइहेङ धोका पिहि।

प्रकास 18:3

या इदोइ भाअ्सिङ जेनाङ हाइपालिपानु, इदोइ बेबाल जाइ बेबिलोन सहर हि, वा गोताङ सारभिको गोताङ द्‍याङगेलाइहेङ ताइको गोरा आम्पाहि, जेदोङ वाको मुर्तिगेलाइको पुजा हि। गोताङ प्रिथिबिको गोताङ राजागेलाइ वाको दोफा मारेम्का काम पालिको भाअ्सिङ वाको दोफा झ्वाइनाहि। प्रिथिबिको गोताङ ब्यापारिगेलाइ धनि जेङहि, हाइपालिपानु उङको बेबालको इच्छा जाङका आनेमानेगेलाइ निङलि हि।”

प्रकास 18:9

“जेलाउ प्रिथिबिको राजा जाइ वाको दोफा कासिबिरि पाहि कालाउ माताइतेङ मोजमाज्जा पाहि, जेलाउ इम्बालाइ इङको बेबालहेङ ओतेङ हिलाउ धुवा ओल्लेतेङ हिका तिनावा, इम्बालाइ वाको भाअ्सिङ खारावा कालाउ जिउधाइ ल्होपाङ तुम्ता थेकावा।”