प्रकास 18:10 - Dhimal NT

¹⁰ कालाउ इदोइ थिकाहोइ इङको जेदोङ पिडा वाको ह्रुता लोहि इङको वाको ह्रुता बुङ ल्वावा, वा दुरे हानितेङ दोअ्हि, “ओइ बारका सहर बेबिलोन! ओइ बल्लियाका सहर! नाअ् बुङ हेथे थिलि गोइका हि। परमेस्वर नासेहेङ आचानाक साजाइ पिहि।”

प्रकास 18:10 Iomraidhean Croise

प्रकास 11:8

इङको न्हेनोङ साक्सिगेलाइहेङ सेअ्लि दोतेङ, इम्बालाइको लासगेलाइ बारका सहर यरुसेलेमको सडकता एन्साङ लाअ्प्याङ, जेता इम्बालाइको प्रभुहेङ क्रुस्टता तोइका हिघाहि। साङकेतिक भासाता इङको सहर सोदोम माकुनु मिस्रो सारभि जेङलि द्वाङ। हाइपालिपानु इङको सहरता हिका द्‍याङ सोदोम सहर माकुनु इजिप्टता हिका भाइपा हेन्जा दुस्ट द्‍याङ हि।

प्रकास 14:8

इन्ता भेनेङ स्वर्गदुत बुङ हिघाहि जाइ लाङति स्वर्गदुतहेङ पिताइतेङ दोअ्हि, “एला या नासा हि। बेबिलोन सहर हेन्जा नासा हि। इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि, वा गोताङ द्‍याङ जातिगेलाइहेङ ओसारापा हेन्जा मारेम्का ब्यभार धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।

प्रकास 17:12

नाअ् लाम्फा तिङन्हा, इङको तेलोङ दाङ, इङको तेमि राजागेलाइहेङ तिङपाखे जाइ एला सासन पालि तेङका मान्थु। उङको तेमि राजागेलाइहेङ राक्सेस दोफा मिलितेङ सासन पालि खाबारा मिलिहि, कालाउ इम्बालाइको सासन आतुइसा सोमोइको भाअ्सिङ खिनिङ जेनाङ।

प्रकास 18:18

जेलाउ इम्बालाइ सहरहेङ ओतेङ हिका मेसो धुवा तिनावा, इङको सोमोइ इम्बालाइ बारका गालाहोइ आहुतावा, “इदोइ माहान सहर भाइका आरु हिदोइ बुङ सहर मान्थु!”

प्रकास 18:19

इम्बालाइ ताइको दुख तिङपालिको भाअ्सिङ, इम्बालाइ ताइको पुरिङता धुला उतावा। इम्बालाइ खारावा कालाउ जिउधाइ ल्होपाङ तुम्ता थेकावा कालाउ बारका गालाहोइ दोअ्तावा, “बारका सहर बेबाल हेन्जा थिहि! समुन्द्रको गोताङ जाहाजको गोताङ गिह्रि इङको सहरको सम्पतिको धनि जेङहि। कालाउ एला ए घान्टा ताङ जेदोङ सहरता हिका गोताङ आमेनेगेलाइ नासा हि।

प्रकास 18:21

कालाउ का एनोङ बल्लियाका स्वर्गदुतहेङ तिङघा, जाइ जान्ता भाइका बारका उन्ठुइ तोल्लेका हिघाहि। वा एसा दोअ्काताङ इङकोहेङ समुन्द्रता थाइगिल्हि, “एसापा दोङ बारका सहर बेबिलोन बुङ हेन्जा हिङसानाङ नासाताङ। जेदोङ सुमुन्द्रता थाइगिल्का उन्ठुइ माघुरियाङ, बेबिलोन सहर बुङ हेलाउ बुङ मातिनाङ।

प्रकास 18:8

वाको गर्वको कारान, आचानाक वाको ह्रुता बिपति ल्वाङ। ए दिनाता मिसा, बेदाना, कालाउ आकाल ए दोफाङ वाकोता ल्वाङ। कालाउ वासेहेङ मेता ओपाङ हाइपालिपानु परमप्रभु परमेस्वर सरबुङसाइका हि, कालाउ वासेहेङ दन्ड प्याङ।”