प्रकास 17:9 - Dhimal NT

⁹ इदोइ बुझिलिको भाअ्सिङ बुद्दिको आस्यकता हि। जाइ दोफा बुद्दि हि, वा इदोइ आर्थाहेङ बुझियावा। राक्सेसको न्हि लोङ पुरिङ न्हि लोङ रागेलाइहेङ तिङपाखे, जाइ इङको बेलाल इङको सहरता सासन पाखे। इदोइ न्हिमि राजागेलाइहेङ बुङ तिङपाखे।

प्रकास 17:9 Iomraidhean Croise

मत्‍ति 13:11

वा इम्बालाइहेङ जोबाफ पिहि, नेलाइहेङते परमेस्वरको सासनको रहस्य पिका हि। जाइ परमेस्वरको सासनको बाहार हिकालाइहेङ निङपिका पाहासो गोताङ काथा दोअ्पिका मान्थु।

मत्‍ति 24:15

ओदोङ भाअ्सिङ जेलाउ नेलाइ दानिएल परमेस्वरको बक्तासो दोअ्का बिनासकारि सिकाका कालाउ थिलि गोइका पबित्तरो थामेता जाअ्तेङ हिका तिङस्वाना। जाइको कारनहोइ मुन्दिरहेङ लाअ्तावा। इदोइ काथा पढेका द्‍याङ याको माने बुझिलि गोइखे।

प्रकास 13:1

एनोङ, राक्सेस समुन्द्रसो बाहार ओल्लेतेङ लोका का तिङघा। वाको न्हि लोङ पुरिङ हिघाहि कालाउ तेलोङ दाङगेलाइ हिघाहि वाको गोताङ दाङता मुकुट हिघाहि। वाको गोताङ पुरिङता परमेस्वरको बिरोध पाका मिङ लेखेका हिघाहि।

प्रकास 13:18

इदोइ बुझिलिको भाअ्सिङ बुद्दिको आस्यकता हि। जाइ दोफा बुद्दि हि, वा दोङ राक्सेसको सङख्याको माने भोलि द्वावा। हाइपालिपानु इदोइ द्‍याङको मिङ हि। इङको इदोइ सङख्या हि छ छय छयसैछथि हि (666)

प्रकास 17:3

पबित्तरो आत्माको साघाइहोइ, स्वर्गदुत कासेहेङ चाका-मान्दा थामेता चुम्पुहि। का इन्ता एमि बेलाहेङ इ:का रङको राक्सेस ह्रुता योम्तेङ हिका तिङघा। राक्सेसको न्हि लोङ पुरिङ कालाउ तेलोङ दाङ हिघाहि। वाको जिउता परमेस्वर बिरोधको मिङगेलाइहोइ लेखेका हिघाहि।

प्रकास 17:7

इङको सोमोइ, इङको स्वर्गदुत कासेहेङ दोअ्हि, “माभाङभाङसु! का नासेहेङ उङको बेबालको कालाउ इङको राक्सेसको जाइको न्हि लोङ पुरिङ कालाउ तेलोङ दाङ हिघाहि, वाको म्होनाका आर्था बाताइयाङका। इङको बेबाल राक्सेसको ह्रुता योम्तेङ हिघाहि।