प्रकास 17:8 - Dhimal NT

⁸ नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 17:8 Iomraidhean Croise

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

लुका 10:20

कालाउ इङको भुत-आत्मागेलाइ नेलाइको आग्याहेङ किखे दोअ्तेङ नेलाइ माहाउसाइलि, भरु नेलाइको मिङ स्वर्गता लेखेका हि दोअ्तेङ नेलाइ लेङचासु।

लुका 8:31

इङको भुत-आत्मागेलाइ इम्बालाइहेङ हेलाउ बुङ वाङखाराका खाराता माथुकापाको दोअ्तेङ बिन्ति पाहि।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

साल्न्हाका चात्या 15:18

इदोइ काथागेलाइ प्रभु लाम्फासोङ गिका हिघाहि, जेलाउसो सुमिङ सिरजाइन्हाहि।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

प्रकास 11:7

न्हेनोङ साक्सिगेलाइ परमेस्वरको सन्‍देस प्राचार पालि दोपालि दोतेङ, कालाउ राक्सेस जाइ वाङखाराका खारासो बाहार ओल्लेतेङ लावा, वा इङको इदोइ न्हेनोङ साक्सिगेलाइ दोफा धुम पावा। राक्सेस वासेहेङ हारिपावा कालाउ इम्बालाइहेङ सेअ्तावा।

प्रकास 17:11

इङको राक्सेस जाइ हेन्जा लाम्फा सिन्हुका हिघाहि कालाउ एला वा सिन्हुका मान्थु, वा दोङ येएतेङ राजा हि। कालाउ उङको येएतेङ राजा लाङतिको न्हिमि राजा मध्ये एमि हि। कालाउ आन्ताको सोमोइता उङको राजाहेङ पाक्का दोङ जेलाउलाउको भाअ्सिङ साजाइ मिलियाङ।

प्रकास 17:2

प्रिथिबिको राजागेलाइ वाको दोफा कासिबिरि पाहि, इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि वा गोताङ द्‍याङगेलाइ जातिहेङ ओसारापा हेन्जा मारेम्का ब्यभार पालि धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 20:10

कालाउ न्हुसो साइतानहेङ रिमाङ, जाइ प्रिथिबिता हिका द्‍याङगेलाइहेङ धोका पिका हिघाहि। साइतानहेङ गन्धकको मेता थाइगिल्प्याङ, इङको मे जेदोङ ताल भाइका बारका ह्याङ। राक्सेस कालाउ धातुवा आगमबक्तागेलाइहेङ लाम्फाङ दोङ थाइगिल्पिका हिघाहि। कालाउ इन्ता नितिम न्हिसिन जेलाउलाउ बुङ इम्बालाइ मेता कस्ट भोगियावा।

प्रकास 20:12

कालाउ का सिङहासनको आगाता सिका द्‍याङगेलाइहेङ तिङघा, जाइ, महत्व पुर्न कालाउ महत्वहिन हि। जाइ समुन्द्रता दुबेतेङ सिका द्‍याङ हिघाहि, तोमगेलाइता हिका झाराङ सिका द्‍याङगेलाइ, जाइ सिकालाइको थामेता हिघाहि, इम्बालाइ झाराङ सिङहासनको आगाता जाअ्हि। कालाउ गोताङ किताप खोलेहि, कालाउ जिबनको किताप बुङ खोलेहि। सिका द्‍याङगेलाइ जेदोङ गोताङ काम पाहि इङको कितापता लेखेका हिघाहि कालाउ इङको कामगेलाइ आन्सार इम्बालाइ झाराङहेङ न्याय पिहि।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।