प्रकास 17:7 - Dhimal NT

⁷ इङको सोमोइ, इङको स्वर्गदुत कासेहेङ दोअ्हि, “माभाङभाङसु! का नासेहेङ उङको बेबालको कालाउ इङको राक्सेसको जाइको न्हि लोङ पुरिङ कालाउ तेलोङ दाङ हिघाहि, वाको म्होनाका आर्था बाताइयाङका। इङको बेबाल राक्सेसको ह्रुता योम्तेङ हिघाहि।

प्रकास 17:7 Iomraidhean Croise

2 थेस्लोनिकि 2:7

हाइपालिपानु इङको दुस्ट द्‍याङको सरबुङ सुमिङता सिकापा काम पातेङ हि, कालाउ इन्ता एमि हि जाइ इङको दुस्ट द्‍याङको सरबुङहेङ रोकितेङ ताअ्का हि। कालाउ जेलाउ थेकापा इङको दुस्ट द्‍याङहेङ दामासो मालाअ्पावा एन्सालाउ थेकापा वा रोकितेङ ह्यावा।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 18:1

कालाउ न्हुसो, का भेनेङ स्वर्गदुतहेङ स्वर्गसो लेता खुअ्तेङ लोका तिङघा। वाको दोफा बारका खाबारा हिघाहि कालाउ वाको बारका जोल्का को कारन सारा प्रिथिबि फाइसालामहि।