प्रकास 17:6 - Dhimal NT

⁶ कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।

प्रकास 17:6 Iomraidhean Croise

युहन्‍ना 2:10

“लाम्फा द्‍याङगेलाइ एल्का दाखरस ओल्लापाखे कालाउ द्‍याङगेलाइ हेन्जा आम्तेङ खिनिङ चेचेका दाखमद ताअ्पिखे। कालाउ ना ते एला थेकापा एल्का दाखमद ताअ्का हिना।”

साल्न्हाका चात्या 22:20

द्‍याङगेलाइ या बुङ गिखे कि, नाङको साक्सि स्तिफनहेङ सेअ्लाउ का बुङ इन्ताङ हिघाखा। वासेहेङ सेअ्कालाइ दोफा सहमत जेङतेङ इम्बालाइको लोखोन धाबागेलाइ सामाराइतेङ हिघाखा।”

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 13:15

न्हेतेङ राक्सेसहेङ बुङ परमेस्वर आनुमति पिहि कि वा लाङति राक्सेसको मुर्तिहेङ सिन्हु पाको, कालाउकि राक्सेसको मुर्ति काथा पालि द्वाको कालाउ आरुहेङ आदेस पिलि द्वाको जेदोङ द्‍याङगेलाइ इङको मुर्तिको आराधाना मापाखे इम्बालाइ सेअ्न्हाको।

प्रकास 13:7

परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 16:6

हाइपालिपानु इम्बालाइ नाङको द्‍याङगेलाइहेङ कालाउ बक्तागेलाइहेङ सेअ्का हिघाहि, कालाउ इम्बालाइको हिति होपाका हिघाहि, ओदोङ भाअ्सिङ, एला नेलाइ ओबालाइहेङ हिति आम्लि प्याना। कालाउ या वाको भाअ्सिङ सहि इनाम हि।”

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।