प्रकास 17:3 - Dhimal NT

³ पबित्तरो आत्माको साघाइहोइ, स्वर्गदुत कासेहेङ चाका-मान्दा थामेता चुम्पुहि। का इन्ता एमि बेलाहेङ इ:का रङको राक्सेस ह्रुता योम्तेङ हिका तिङघा। राक्सेसको न्हि लोङ पुरिङ कालाउ तेलोङ दाङ हिघाहि। वाको जिउता परमेस्वर बिरोधको मिङगेलाइहोइ लेखेका हिघाहि।

प्रकास 17:3 Iomraidhean Croise

मत्‍ति 27:28

इम्बालाइ येसुको लोखोन होपितेङ, कालाउ वासेहेङ गाङगाउरा धाबा होम्पाहि।

साल्न्हाका चात्या 8:39

जेलाउ ओबालाइ पोखोरिसो बाहार ओल्लेतेङ लोहि, कालाउ प्रभुको आत्मा फिलिपहेङ चुम्पुहि, कालाउ उङको नपुङसक वासेहेङ आरोङ हेलाउ बुङ मातिङहि, कालाउ वा मेनाङ लेङचाकाताङ परमेस्वर कासेहेङ बान्चिपाहि दोअ्तेङ ताइको सारभिता घुरितेङ हानिहि।

2 थेस्लोनिकि 2:4

वा दोङ परमेस्वरको बिरोध पाखे, कालाउ द्‍याङगेलाइ पुजिका गोताङ आनेमानेगेलाइको बिरोध पाखे, कालाउ इङको खान्तेङ ताइमिहेङ बारका सम्झिखे, इता थेकापा कि ताइमिहेङ परमेस्वर दोङ हिघा दोअ्तेङ झाराङहेङ दोअ्खे, कालाउ इङको दुस्ट द्‍याङ परमेस्वरको मुन्दिरता हिखे।

प्रकास 1:10

आइताबारको दिना परमेस्वरको आत्मा काङकोता लोहि, का काङको न्हु पाहा आधिमिहेङ का दोफा नुइ धुइका कोनिङ हिङघा जेदोङ सानाइको भाइका चेराका गाला कालाउ झालाफालापा हिघाहि।

प्रकास 12:14

कालाउ परमेस्वर उङको बेबालहेङ बारका बाजाको न्हेनोङ पाखेना पिहि, कालाउकि वा उराइतेङ चाका-मान्दा थामेता हानिलि द्वाको दोअ्तेङ परमेस्वर वाको भाअ्सिङ तियार पाका हिघाहि। कालाउ इन्ता सुम-बासार आधा बासार थेकापा वासेहेङ सामाराइयातेङ ताअ्लि द्वाको, कालाउकि बारका आजिङगर वाको भेरपा थुकालि माद्वाको।

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 12:6

उङको बेबाल चाहि एनोङ चाका-मान्दा थामेता खाअ्हि। परमेस्वर वाको भाअ्सिङ इसिका थामे तियार पाहि कालाउकि ए-हाजार न्हे साइ सुम कुरि दिना थेकापा वासेहेङ सामाराइयातेङ ताअ्लि द्वाको।

प्रकास 17:4

उङको बेबाल गाङगाउरा कालाउ इ:का रङगको धाबा लोखोन बोअ्का हिघाहि। वा ताइको जिउहेङ सोनाको गाहानागेलाइ, उन्ठुइगेलाइ, कालाउ जाङका मोतिगेलाइहोइ साजाइतेङ हिघाहि। वाको दाम्पाहा खुरता वा सोनाको लोटा चाअ्का हिघाहि, जेदोङ गोराहोइ पोङघाका हिघाहि। इदोइ गोरा सिकाका वाको काम कालाउ सिद्रिका कुसुमि ब्यभारहोइ तिङपाखे।

प्रकास 18:12

इम्बालाइ हेन्जा खाल्को आमेनेगेलाइ पि:घाहि। जेसाङ सोना, चान्दि, रत्न कालाउ मोतिगेलाइ। जाङका सुतेसो बानाइका एस्मिको धाबा, सिन्दुर रङको धाबा कालाउ गाङगाउरा रङको धाबा बुङ हिघाहि। मालामालाका फालासो बानाइका आनेमानेगेलाइ, हारागेलाइहोइ बानाइका आनेमानेगेलाइ, कालाउ आरु आनेमानेगेलाइ जाङका फाला, कासा, चिर, सिङगमरमरसो बानाइका आरु हेन्जा आनेमागेलाइ हिघाहि।

प्रकास 18:16

कालाउ इम्बालाइ दोअ्तावा, “बारका सहर बेबाल हेथे थिलि गोइका हि! जाइ एमि कोइन्हाका बेजान ताइमिहेङ कोइन्हाका सोना, रत्न कालाउ मोतिगेलाइसो सानसाइतेङ हिघाहि। वा रेस्मि धाबा, सिन्दुर रङको धाबा, कालाउ गाङगाउरा रङको बोना बोअ्घाहि।

प्रकास 21:10

पबित्तरो आत्माको सरबुङहोइ कासेहेङ स्वर्गदुत हेन्जा झाउका लाखता चुम्पुहि। पबित्तरो सहर जेदोङ नावा यरुसेलेम हि, जेदोङ स्वर्गसो, परमेस्वरसो खुतेङ लेता लोका हिघाहि।

प्रकास 4:2

एन्सालाउ दोङ परमेस्वरको आत्मा काङकोता लोहि, खाङसु, स्वर्गता एनोङ सिङहासन हिघाहि, कालाउ इङको सिङहासनता एमि बिराजमान हिघाहि।