प्रकास 17:16 - Dhimal NT

¹⁶ इङको सोमोइ ल्वाङ, जेलाउ राक्सेस कालाउ वाको दोफा सासन पाका तेमि राजागेलाइ वेस्याहेङ सिकातावा, जाइ राक्सेसको ह्रुता योम्का हि। इम्बालाइ वासेहेङ झाअ्मिरियावा, नाङघाङ बानाइयावा, वाको जिउको बिहा चाअ्वा, कालाउ बाकि हिका भाग ओपावा।

प्रकास 17:16 Iomraidhean Croise

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 16:12

तुतेङ स्वर्गदुत वाको जाम बातिता जेदोङ साजाइ हिघाहि माहान युफ्रितिस झोराता हुपिहि। वाको कारन झोराको चि सि:हि कालाउ इदोइ कारनहोइ, नुहेको राजागेलाइ ताइको सेना दोफा इङको झोराहेङ पाराहि।

प्रकास 17:10

इङको न्हिमि राजागेलाइ मध्ये, नामि राजा लाम्फा दोङ सिलि दोहोइ। उङको मध्येसो एमि तुतेङ सासक हि एला वा सासन पादोङखे। आम्तिम राजा एला बुङ लोका मान्थु। कालाउ जेलाउ वा ल्वाङ, वा आतुइसा सोमोइको भाअ्सिङ खिनिङ सासन पावा।

प्रकास 18:19

इम्बालाइ ताइको दुख तिङपालिको भाअ्सिङ, इम्बालाइ ताइको पुरिङता धुला उतावा। इम्बालाइ खारावा कालाउ जिउधाइ ल्होपाङ तुम्ता थेकावा कालाउ बारका गालाहोइ दोअ्तावा, “बारका सहर बेबाल हेन्जा थिहि! समुन्द्रको गोताङ जाहाजको गोताङ गिह्रि इङको सहरको सम्पतिको धनि जेङहि। कालाउ एला ए घान्टा ताङ जेदोङ सहरता हिका गोताङ आमेनेगेलाइ नासा हि।

प्रकास 18:8

वाको गर्वको कारान, आचानाक वाको ह्रुता बिपति ल्वाङ। ए दिनाता मिसा, बेदाना, कालाउ आकाल ए दोफाङ वाकोता ल्वाङ। कालाउ वासेहेङ मेता ओपाङ हाइपालिपानु परमप्रभु परमेस्वर सरबुङसाइका हि, कालाउ वासेहेङ दन्ड प्याङ।”

प्रकास 19:18

लौउ कालाउ राजागेलाइ, आर्मिको नेतागेलाइ, ओह्याँगेलाइ कालाउ ओबालाइको ह्रुता धोल्कालाइको सिका जिउको बिहा चाअ्सु। नेलाइ गोताङ सिका द्‍याङगेलाइको बिहा चाअ्लि दोस्वाना, चाहे वा बान्धाइति कालाउ स्वतन्तरो हि, बारका कालाउ म्हुइका हि।”