प्रकास 17:1 - Dhimal NT

¹ इङको न्हि लोङ जाम बात्ति ह्रुहि न्हि लोङ स्वर्गदुतगेलाइ मध्ये एमि काङकोता लोतेङ दोअ्हि, “काङकोता लौउ, का नासेहेङ तिङपाङका कि हेसा परमेस्वर उङको बारका बेस्या हि याको माने बेबिलोन सहरहेङ साजाइ प्याङ, जाइ इन्ता योम्तेङ हि जेता हेन्जा झोरागेलाइ हि।

प्रकास 17:1 Iomraidhean Croise

लुका 24:32

इम्बालाइ ता-ताइता दोअ्हि, वा केलाइ दोफा दामाता तेअ्काताङ पालाउ धर्मसास्तरको आर्था दोअ्पिलाउ केलाइको ह्रदय आनन्दोहोइ गद्गद् जेङका मान्थु घानाहि रो?

लुका 9:30

न्हेमि द्‍याङ इन्ता देखाल जेङहि, येसु ओबालाइ दोफा काथा पालि तेङहि ओबालाइ मोसा कालाउ एलिया हिघाहि।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 15:1

जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।

प्रकास 18:1

कालाउ न्हुसो, का भेनेङ स्वर्गदुतहेङ स्वर्गसो लेता खुअ्तेङ लोका तिङघा। वाको दोफा बारका खाबारा हिघाहि कालाउ वाको बारका जोल्का को कारन सारा प्रिथिबि फाइसालामहि।

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 19:9

कालाउ इङको स्वर्गदुत कासेहेङ दोअ्हि, “इदोइ काथाहेङ लेखे: थुमाको बिहुको भातियार मानिलिको भाअ्सिङ, जेदोङ द्‍याङगेलाइ नेउता निङहि इम्बालाइ धन्यको हि।” वा आरोङ कासेहेङ दोअ्हि, “इदोइ सत्ये बचन परमेस्वर दोअ्हि।”

प्रकास 21:15

जेदोङ स्वर्गदुत काङको काथा पाघाहि, वाको दोफा इङको सहरको, इङको फिनुगेलाइ कालाउ इङको को बेरेमहेङ दोङलिको भाअ्सिङ एनोङ सोनाको लागासि पिहि।

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”

प्रकास 4:1

इदोइ गोताङ घाटानागेलाइ जेङलि दोअ्तेङ न्हुसो, का युहान्‍ना तिङघा कि स्वर्गता एनोङ फिनु हेअ्न्हाका हिघाहि, कालाउ इन्ता का दोफा हासु बुङ नुइ धुइतेङ हिघाहि कालाउ जाइ नुइ धुइघाहि वाको गाला का लाम्फा हिङका हिघाखा, जाइको गाला सानाइको गाला भाइका हिघाहि। कालाउ वा कासेहेङ दोअ्हि: “इता ह्रुता लौउ, कालाउ एला न्हुसो जेदोङ काथागेलाइ जेङलि गोइखे का इङको नासेहेङ तिङपाङका।”