प्रकास 16:8 - Dhimal NT

⁸ द्‍यातेङ स्वर्गदुत वाको जाम बातिता जेदोङ साजाइ हिघाहि वासेहेङ सान्हे ह्रुता हुपिहि, कालाउ सान्हेहेङ सरबुङ पिहि कि ताइको धाङकाहोइ द्‍यायाङगेलाइ ओअ्पाको।

प्रकास 16:8 Iomraidhean Croise

मत्‍ति 13:6

जेलाउ हेन्जा सान्हेनाङ, आतुइका चालाइको तुपा सेङहि, कालाउ लिता जारि जोअ्लि मादोनाङ इङको चालाइगेलाइ चुअ्हि।

लुका 21:25

माअ्थिसु बेला, तालि, फुरुगेलाइता बुङ चिन्हागेलाइ घाटानागेलाइ घतेयावा। कालाउ प्रिथिबिता गोताङ जाति-जातिगेलाइ आपतता परियावा। समुन्द्रको साल्काका गुरगुराइयावा कालाउ उल्ला-उल्लातेङ लोका साल्कागेलाइसो गोताङ सारभिगेलाइ सङकटता परियावा।

साल्न्हाका चात्या 2:20

प्रभुको दिना लोलि खान्तेङ लाम्फा सान्हे कितिकितिका कालाउ तालि हिति भाइपा इ:का जेनावा। इङको दिना माहान कालाउ महिमामय दिना जेनावा।

प्रकास 14:18

ठिक एन्सालाउ दोङ भेनेङ स्वर्गदुत जेदोङ तुतेङ स्वर्गदुत हि, जाइ स्वर्गको बेदि ह्रुता मेहोइ धुमाना जोलाइखे, वा इन्ता बाहार लोहि। वा चु:का धार हिका स्वर्गदुत दोफा आहुतेङ दोअ्हि, “प्रिथिबिता आङगुरको झुप्पा लाम्फाङ मिङलि दोहोइ! ताइको काचियाहोइ चे।”

प्रकास 6:12

कालाउ का थुमा तुतेङ मोहर खाइका तिङघा। इन्ता एनोङ बारका भुइचाल हानिहि। सान्हे डाहि जेसाङ दा:का रङको धुसा भाइका जेङहि, कालाउ तालि गोताङ हिति भाइपाङ इ:का जेङहि।

प्रकास 7:16

इम्बालाइ हेलाउ बुङ माम्हितुताङ कालाउ चि-आम्लि माकिताङ, इम्बालाइहेङ एलासो सान्हे माकुनु हिदोइ बुङ धाङका आमेनेहोइ हेलाउ बुङ मा-ओपाङ।

प्रकास 8:12

द्‍यातेङ स्वर्गदुत ताइको सानाइ म्होहि, कालाउ सान्हेको ए तिहाइ भाग कालाउ तालिको ए तिहाइ भाग ह्रुता बिपति लोहि। जाइको कारान दिनाको ए तिहाइ भागता सान्हे मालोहि, कालाउ न्हिसिनको ए तिहाइ भागता फुरु कालाउ तालि बुङ माथासाइहि।

प्रकास 9:2

कालाउ इङको फुरु वाङखाराका खारा खोलेहि, कालाउ इङको वाङखाराका खारासो बारका मेको धुवा भाइका ओल्लेहि कालाउ इङको धुवाको कारानहोइ सान्हे कालाउ बातावरन दोङ कितिकितिहि।