प्रकास 16:5 - Dhimal NT

⁵ कालाउ इङको स्वर्गदुत जाइ दोफा गोताङ चि ह्रुता खाबारा हि, परमेस्वरसो इसिका दोअ्का हिङघा, “हे पबित्तरो परमेस्वर, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, जेदोङ साजाइ नाअ् पिन्हा इङको सहि हि।

प्रकास 16:5 Iomraidhean Croise

युहन्‍ना 17:25

हे धर्मि न्याय पाका आबा, सुमिङको द्‍याङगेलाइ नासेहेङ मानाल्खे, कालाउ का चाहि नासेहेङ नाल्खा, कालाउ नाअ् कासेहेङ दिङगिल्का हिना दोअ्तेङ या दोङ चात्यागेलाइ गिखे।

रोमि 2:5

कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

रोमि 3:5

कालाउ केलाइको दुस्ट कामहोइ परमेस्वरको धार्मिकताहेङ आझाइ रेम्फा तिङपाखे पानु, केलाइ हाइ दोअ्लि? हाइ परमेस्वर केलाइ दोफा चेरताङपालि कालाउ दन्ड पिलि गलत हि रो? या तेका द्‍याङको भाइपा धुइखा।

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 1:8

परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।

प्रकास 11:17

इम्बालाइ दोअ्हि, “हे परमेस्वर, सरबुङसाइका परमप्रभु, नाअ् इसिका परमेस्वर हिना, जाइ सुरुको सोमोइसोङ, एला थेकापा कालाउ जेलाउलाउको भाअ्सिङ परिबतन माजेनाना केलाइ नासेहेङ जातिङकोङ धन्यबाद पिन्हाखे, हाइपालिपानु नाअ् एला ताइको माहान सरबुङ तिङपाका हिना, कालाउ एला नाअ् प्रिथिबिता ताइको सासन सुरु पान्हा।

प्रकास 16:4

सुमतेङ स्वर्गदुत वाको जाम बातिता साजाइ हिघाहि, इङको झोराको झारनागेलाइको समुन्द्र ह्रुता हुपिहि, कालाउ गोताङ चि हिति जेङहि।

प्रकास 16:7

आरोङ का हासु बुङ स्वर्गको बेदिसो नुइ धुइका हिङघा, “एइ, परमप्रभु परमेस्वर सरबुङसाइका, द्‍याङ जातिता नाङको साजाइ सत्ये कालाउ न्याय पुर्न हि।”

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”

प्रकास 6:10

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”