प्रकास 16:4 - Dhimal NT

⁴ सुमतेङ स्वर्गदुत वाको जाम बातिता साजाइ हिघाहि, इङको झोराको झारनागेलाइको समुन्द्र ह्रुता हुपिहि, कालाउ गोताङ चि हिति जेङहि।

प्रकास 16:4 Iomraidhean Croise

प्रकास 11:6

जेलाउ इम्बालाइ परमेस्वरको सन्‍देस घोसाना पाका सोमोइता, जेसापा वाइ लोनु इङको वाइ लोलिसो रोकिलि परमेस्वर ओबालाइहेङ खाबारा पिहि। ओबालाइहेङ इदोइ चिजको बुङ खाबारा हि चिहेङ हिति भाइपा इ:का बानाइलि द्वावा, कालाउ प्रिथिबिता गोताङ खाल्को भायानक माहामारिगेलाइ चुमालि द्वावा। ओबालाइ इदोइ काम जेलाउ बुङ पालि द्वावा।

प्रकास 14:7

वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 16:5

कालाउ इङको स्वर्गदुत जाइ दोफा गोताङ चि ह्रुता खाबारा हि, परमेस्वरसो इसिका दोअ्का हिङघा, “हे पबित्तरो परमेस्वर, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, जेदोङ साजाइ नाअ् पिन्हा इङको सहि हि।