प्रकास 16:1 - Dhimal NT

¹ कालाउ न्हुसो, का मुन्दिरसो एनोङ बारका गाला हिङघा, जाइ इङको न्हि लोङ स्वर्गदुतगेलाइ दोअ्हि, “हाने कालाउ प्रिथिबिता हिका द्‍याङगेलाइ ह्रुता परमेस्वरसो इङको साजाइ हुपिसु जेदोङ न्हि लोङ जाम बातिता हि।”

प्रकास 16:1 Iomraidhean Croise

प्रकास 11:19

कालाउ स्वर्गता परमेस्वरको मुन्दिर हेअ्हि जेदोङ स्वर्गता हि, कालाउ मुन्दिर लिता कारारको सन्दुक तिङचाहि। इङको सोमोइ इन्तासो बिजुलिगेलाइ चिलकातेङ लोघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ भुइचाल बुङ लोहि। कालाउ बारका वाइ दोफाङ बारका उन्ठुइ भाइका झोसे बुङ हुल्हि।

प्रकास 14:15

ठिक एन्सालाउ दोङ, एमि भेनेङ स्वर्गदुत स्वर्गको मुन्दिरसो परमेस्वरको सन्‍देस चुम्तेङ बाहार लोहि। वा द्‍यातेङ स्वर्गदुत हि। वा बादेल ह्रुता योम्तेङ हिका द्‍याङसो आहुतेङ दोअ्हि, “प्रिथिबिता बालि मिङलि दोहोइ। बालि चेका सोमोइ लोहोइ। ओदोङ भाअ्सिङ एला ताइको काचियासो बालि चेसु।”

प्रकास 14:18

ठिक एन्सालाउ दोङ भेनेङ स्वर्गदुत जेदोङ तुतेङ स्वर्गदुत हि, जाइ स्वर्गको बेदि ह्रुता मेहोइ धुमाना जोलाइखे, वा इन्ता बाहार लोहि। वा चु:का धार हिका स्वर्गदुत दोफा आहुतेङ दोअ्हि, “प्रिथिबिता आङगुरको झुप्पा लाम्फाङ मिङलि दोहोइ! ताइको काचियाहोइ चे।”

प्रकास 15:1

जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 16:17

न्हितेङ स्वर्गदुत ताइको जाम बातिता जेदोङ साजाइ हिघाहि वासेहेङ भेरमाता हुहि। कालाउ स्वर्गता हिका मुन्दिरको लितासो परमेस्वरको सिङहासनसो, का हासुको बुङ इसिका ह्रिकाइतेङ हिका हिङघा, “का गोताङ काम पुरा पाघा।”