प्रकास 15:5 - Dhimal NT

⁵ इदोइ द्‍याङगेलाइ ले लेलि दोतेङ न्हुसो, का तिङघा स्वर्गता मुन्दिर हेअ्न्हाका हिघाहि। जेदोङ इङको पाल भाइका हि। जाइहेङ हिब्रुगेलाइ ताइ दोफाङ चाका-मान्दा थामेता न्हे कुरि बासार थेकापा घुराइगिल्हि।

प्रकास 15:5 Iomraidhean Croise

मत्‍ति 27:51

कालाउ मुन्दिरको पर्दा ह्रुतासो लेता थेकापा न्हे पाना जेङतेङ थेअ्हि, इङकोङ बेला भुइचाल लोहि कालाउ आरडाङगेलाइ भापाहि।

हिब्रु 8:5

इदोइ पुजारिगेलाइ पाका काम स्वर्गिता हिका काथाको नक्कल कालाउ स्याइरि खिनिङ हि, कालाउ स्वर्गता हिका भाइका माको, हाइपालिपानु मोसा पबित्तरो खोपारा बानाइलि खाङलाउ परमेस्वर मोसाहेङ या खबरदारि पाका हिघाहि, “रा नासेहेङ तिङपाका नामुना बमोजिम नाअ् गोताङ आनेमाने बानाइ।”

प्रकास 11:19

कालाउ स्वर्गता परमेस्वरको मुन्दिर हेअ्हि जेदोङ स्वर्गता हि, कालाउ मुन्दिर लिता कारारको सन्दुक तिङचाहि। इङको सोमोइ इन्तासो बिजुलिगेलाइ चिलकातेङ लोघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ भुइचाल बुङ लोहि। कालाउ बारका वाइ दोफाङ बारका उन्ठुइ भाइका झोसे बुङ हुल्हि।

प्रकास 13:6

राक्सेस परमेस्वरहेङ स्रापलि तेङहि। वा परमेस्वरको मिङको बिरोधता, जेता परमेस्वर हिका इङको थामेको बिरोधता कालाउ स्वर्गता हिका गोताङ द्‍याङगेलाइको बिरोधता धुइहि।