प्रकास 15:3 - Dhimal NT

³ इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 15:3 Iomraidhean Croise

युहन्‍ना 1:17

हाइपालिपानु व्यवस्था मोसा पाहासो पिहि, कालाउ परमेस्वर दोङ आनुग्रह कालाउ सत्ये चाहि येसु ख्रिस्टसो तिङपाहि।

1तिमोथि 1:17

एला आनान्त काल थेकापा सासन पाका राजा, जेलाउ बुङ बान्चितेङ हिका कालाउ तिङलि बुङ मादोका एमि खिनिङ परमेस्वरहेङ आदार कालाउ महिमा जेलाउलाउ बुङ ज्याको। आमेन।

हिब्रु 3:5

हाइपालिपानु मोसा बान्धाइति भाइपा परमेस्वरको साअ्को गोताङ द्‍याङगेलाइ दोफा खाङधुरि योग्य जेङहि, कालाउ मोसाको पाका काम दोङ परमेस्वर भबिस्यता धुइलि तोम्का सत्ये काथाको उधारन हिघाहि।

प्रकास 1:8

परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।

प्रकास 11:17

इम्बालाइ दोअ्हि, “हे परमेस्वर, सरबुङसाइका परमप्रभु, नाअ् इसिका परमेस्वर हिना, जाइ सुरुको सोमोइसोङ, एला थेकापा कालाउ जेलाउलाउको भाअ्सिङ परिबतन माजेनाना केलाइ नासेहेङ जातिङकोङ धन्यबाद पिन्हाखे, हाइपालिपानु नाअ् एला ताइको माहान सरबुङ तिङपाका हिना, कालाउ एला नाअ् प्रिथिबिता ताइको सासन सुरु पान्हा।

प्रकास 14:3

ए लाख न्हे कुरि द्‍या हाजार द्‍याङगेलाइ सिङहासनको आगाता, द्‍यालोङ हुसि हिका प्रानिगेलाइको आगाता, कालाउ आगुवागेलाइको आगाता जाअ्हि। इम्बालाइ नावा ले लेघाहि जाइ वा खिनिङ ले धिरलि दोघाहि। प्रिथिबिता हिका द्‍याङगेलाइ मध्येसो, इम्बालाइहेङ खिनिङ परमेस्वर लाअ्पाहि।

प्रकास 14:8

इन्ता भेनेङ स्वर्गदुत बुङ हिघाहि जाइ लाङति स्वर्गदुतहेङ पिताइतेङ दोअ्हि, “एला या नासा हि। बेबिलोन सहर हेन्जा नासा हि। इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि, वा गोताङ द्‍याङ जातिगेलाइहेङ ओसारापा हेन्जा मारेम्का ब्यभार धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 19:16

वाको लोखोन धाबा कालाउ दाम्पाहा फिला ह्रुता एनोङ मिङ लेखेका हिघाहि, थुमा “प्रभुगेलाइको प्रभु” कालाउ राजागेलाइको राजा हि।

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”