प्रकास 15:2 - Dhimal NT2 कालाउ का समुन्द्र भाइका तिङका आमेने तिङघा, जेदोङ काँसा भाइपा चिल्कातेङ हिघाहि कालाउ मे दोफा बुङ मिसालाइका हिघाहि। का उङको द्याङगेलाइहेङ बुङ तिङघा जाइहेङ राक्सेस जितिलि मादोहि। इम्बालाइ इङको राक्सेस कालाउ इङको मुर्तिहेङ मापुजिहि, कालाउ वाको सङख्याको छाप मालागाइहि, जेदोङ राक्सेसको मिङको चिन्हा हि। कालाउ इन्ता समुन्द्र भाइका तिङपाका भाइपा काम्भेता जाअ्का हिघाहि, कालाउ झाराङ परमेस्वरको पिका उर्निहेङ इम्बालाइ झाराङ चाअ्का हिघाहि। Faic an caibideil |
प्रकास 15:2
14 Iomraidhean Croise
इदोइ समस्यागेलाइको उदेस्य इदोइ तिङपालिको भाअ्सिङ हि कि नेलाइ जातिङकोङ परमेस्वरता भोरोसा ताअ्सुखेना कि माताअ्सुखेना। नेलाइको येसु ख्रिस्टता खाङधुरि सोना खाङतेङ हेन्जा दामको हि। जेसाङ नासाका सोनाहेङ मेहोइ जाचिखे कालाउ सुद्द पाखे, जेसापा नेलाइको खाङधुरि मे भाइपा जाचिकासो जाचितेङ बुङ बल्लियाका हितेङ हिखे पानु, इदोइहोइ येसु ख्रिस्ट धुरितेङ लोका दिनाता नेलाइहेङ हेन्जा बाखिन, महिमा कालाउ सम्मान चुमावा।
केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।
न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।
जेलाउ वा इङको किताप ह्रुहि, कालाउ इङको द्यालोङ हुसि हिका प्रानिगेलाइ कालाउ ए कुरि द्यामि आगुवागेलाइ थुमाको आगाता तुघुरहि। गोताङ आगुवागेलाइ उर्नि कालाउ सोनाको जाम बात्ति चाहि। जाम बात्ति धुमानाहोइ पोङघाका हिघाहि जाइ जाम बात्ति खुरता चुम्हि इङको चाहि परमेस्वरको सेवा पाका द्याङगेलाइको प्रार्थानाहेङ तिङपाखे।
Sanasan