प्रकास 15:1 - Dhimal NT

¹ जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 15:1 Iomraidhean Croise

प्रकास 10:3

उङको स्वर्गदुत बारका गालाहोइ ह्रिकाइहि कालाउ वाको गाला खुहाँको गर्जनको गाला भाइका हिघाहि। जेलाउ वा ह्रिकाइहि, कालाउ न्हि लोङ बारका गालासो वासेहेङ जोबाफ पिहि, जेदोङ इङको गर्जनको गाला भाइका हिघाहि।

प्रकास 11:14

न्हेतेङ बिपतिगेलाइ दोहोइ, आरोङ सुमतेङ बिपतिगेलाइ धेमाङ लोलि तोम्का हि, आझाइ इन्ता एनोङ हि जेदोङ धेमाङ लोदोङखे।

प्रकास 14:19

कालाउ स्वर्गदुत सारा आङगुरगेलाइ पेतेङ रुम्भाइहि जेदोङ प्रिथिबिता हिघाहि। कालाउ आङगुरगेलाइहेङ ए थामे रुम्भाइहि कालाउकि आङगुरहेङ थिचाइतेङ कालाउ रस ओल्लापालि द्वाको। याको मतलब हि कि परमेस्वर थाङका साजाइ प्याङ। आङगुरगेलाइहेङ सहरको बाहार थिचाइयाङ। जेता आङगुरगेलाइहेङ थिचाइहि, इन्तासो जेदोङ हिति होतेङ हिघाहि, इङको एनोङ वाङखाराका धाराता हानितेङ झोहि। इङको इदोइ झोको वाङखारा हिघाहि कि इङको ओह्याँको लागाम थेकापा थुकाहि कालाउ सुमसाइ किलो मिटर फारापा होहि।

प्रकास 16:1

कालाउ न्हुसो, का मुन्दिरसो एनोङ बारका गाला हिङघा, जाइ इङको न्हि लोङ स्वर्गदुतगेलाइ दोअ्हि, “हाने कालाउ प्रिथिबिता हिका द्‍याङगेलाइ ह्रुता परमेस्वरसो इङको साजाइ हुपिसु जेदोङ न्हि लोङ जाम बातिता हि।”

प्रकास 17:1

इङको न्हि लोङ जाम बात्ति ह्रुहि न्हि लोङ स्वर्गदुतगेलाइ मध्ये एमि काङकोता लोतेङ दोअ्हि, “काङकोता लौउ, का नासेहेङ तिङपाङका कि हेसा परमेस्वर उङको बारका बेस्या हि याको माने बेबिलोन सहरहेङ साजाइ प्याङ, जाइ इन्ता योम्तेङ हि जेता हेन्जा झोरागेलाइ हि।

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”

प्रकास 8:13

जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”

प्रकास 8:2

कालाउ परमेस्वरको आगाता जाअ्का न्हिमि स्वर्गदुतगेलाइहेङ का तिङघा। इम्बालाइहेङ न्हि लोङ सानाइ पिहि।

प्रकास 8:6

कालाउ न्हि लोङ सानाइ सुधाङ उङको न्हिमि स्वर्गदुतगेलाइ ताइको सानाइगेलाइ बाजाइलि तियार जेङहि।

प्रकास 9:20

कालाउ बाकि द्‍याङगेलाइ जाइ लाम्फाको लोका बिपतिगेलाइसो जाइहेङ मारा मापाहि, इम्बालाइ आझाइ बुङ ताइको दुस्ट काम पालि मालाअ्हि। इम्बालाइ मारा पाका, जादु-टुनामुना, कासिबिरि, कालाउ खुका काम पाका भाइका पापको काम पालि मालाहि कालाउ इम्बालाइ परमेस्वर भारि माघुरिहि। इम्बालाइ भुत-आत्मागेलाइहेङ पुजा पालि कालाउ सोना, चान्दि, कासा, कालाउ फालाहोइ ताइको खुरहोइ बानाइका मुर्तिगेलाइको पुजा पालि बुङ मालाअ्हि। इङको मुर्तिगेलाइ, इङको मातिङखे, इङको हिङलि मादोखे, इङको तेलि मातेखे।