प्रकास 14:8 - Dhimal NT

⁸ इन्ता भेनेङ स्वर्गदुत बुङ हिघाहि जाइ लाङति स्वर्गदुतहेङ पिताइतेङ दोअ्हि, “एला या नासा हि। बेबिलोन सहर हेन्जा नासा हि। इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि, वा गोताङ द्‍याङ जातिगेलाइहेङ ओसारापा हेन्जा मारेम्का ब्यभार धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 14:8 Iomraidhean Croise

प्रकास 11:8

इङको न्हेनोङ साक्सिगेलाइहेङ सेअ्लि दोतेङ, इम्बालाइको लासगेलाइ बारका सहर यरुसेलेमको सडकता एन्साङ लाअ्प्याङ, जेता इम्बालाइको प्रभुहेङ क्रुस्टता तोइका हिघाहि। साङकेतिक भासाता इङको सहर सोदोम माकुनु मिस्रो सारभि जेङलि द्वाङ। हाइपालिपानु इङको सहरता हिका द्‍याङ सोदोम सहर माकुनु इजिप्टता हिका भाइपा हेन्जा दुस्ट द्‍याङ हि।

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”