प्रकास 14:7 - Dhimal NT

⁷ वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 14:7 Iomraidhean Croise

मत्‍ति 25:13

ओदोङ भाअ्सिङ जेलाउ बुङ जागितेङ हिसु, नेलाइ मागिसुखेना कि द्‍याङको चान हिदोइ दिना, याते हिदोइ पहरता ल्वाङ।

लुका 17:18

या गैर-यहुदि द्‍याङ खिनिङ परमेस्वरहेङ धन्यबाद पिलि घुरिहि, आरु हासु बुङ माघुरिहि।

साल्न्हाका चात्या 14:15

“ओइ द्‍याङगेलाइ, नेलाइ हाइ पालि इसिका कामगेलाइ पासुखेना? केलाइ बुङते नेलाइ भाइकाङ दुख-सुख भोगेका द्‍याङगेलाइ खिनिङ हिनाहि, कालाउ केलाइ नेलाइहेङ प्राचार पालि लोन्हाहि कालाउकि नेलाइ इदोइ ब्यर्थको काथागेलाइ लाअ्तेङ सिन्हुका परमेस्वर भारि जेदोङ परमेस्वर स्वर्ग, प्रिथिबि, समुन्द्र कालाउ इङकोता हिका गोताङ आमेने बानाइहि।

1पतरुस 4:7

गोताङ काथाको आन्तय भेरपाङ लोका हि। ओदोङ भाअ्सिङ नेलाइ झालाफालापा सोचेसु कालाउ ताइमिहेङ काबुता ताअ्सु, कालाउकि नेलाइ प्रार्थाना पालि दोसु।

प्रकास 11:13

एन्सालाउ दोङ एनोङ बार्का भुइचाल यरुसेलेम सहरता हानिहि, सहरको साअ् तेतेङ भाग भाअ्पाहि। इदोइ भुइचाल को कारान, न्हि-हाजार द्‍याङगेलाइ सेन्हाहि। बाकि हिका द्‍याङगेलाइ थिहि, ओदोङ भाअ्सिङ इङको स्वर्गता हिका परमेस्वरको महिमा पालि तेङहि।

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 15:4

“हे प्रभु, नासेहेङ झाराङ द्‍याङगेलाइ थिखे, कालाउ झाराङ नाङको मिङको साम्मान पाखे, हाइपालिपानु नाअ् खिनिङ पबित्तरो परमेस्वर हिना। गोताङ सारभिको गोताङ द्‍याङगेलाइ नाङकोता लोखे कालाउ नाङको आराधाना पाखे, हाइपालिपानु नाङको धार्मिक कामगेलाइ झाराङ गिखे।”

प्रकास 16:9

द्‍याङगेलाइ ओअ्का को कारनसो, इम्बालाइ परमेस्वरहेङ साराप पिहि। हाइपालिपानु परमेस्वर दोफा खिनिङ इसिका साजाइ चुमाका खाबारा हिघाहि। कालाउ बुङ इम्बालाइ पाप पालि लाअ्तेङ परमेस्वर भारि माघुरिहि। कालाउ इम्बालाइ परमेस्वरको महिमाहेङ बुङ सुइकार मापाहि।

प्रकास 18:10

कालाउ इदोइ थिकाहोइ इङको जेदोङ पिडा वाको ह्रुता लोहि इङको वाको ह्रुता बुङ ल्वावा, वा दुरे हानितेङ दोअ्हि, “ओइ बारका सहर बेबिलोन! ओइ बल्लियाका सहर! नाअ् बुङ हेथे थिलि गोइका हि। परमेस्वर नासेहेङ आचानाक साजाइ पिहि।”

प्रकास 18:17

आतुइसा सोमोइता वाको गोताङ सम्पति नासा हि।” गोताङ जाहाजको क्यापतनगेलाइ, गोताङ द्‍याङगेलाइ जाइ जाहाजसो पाक पाखे, नाविगेलाइ, कालाउ इङको गोताङ जाइ समुन्द्रसो ताइको जिबिका चालाइखे, कालाउ इम्बालाइ झाराङ बेबिलोन सहर खाङतेङ दुरे जाअ्हि।

प्रकास 18:19

इम्बालाइ ताइको दुख तिङपालिको भाअ्सिङ, इम्बालाइ ताइको पुरिङता धुला उतावा। इम्बालाइ खारावा कालाउ जिउधाइ ल्होपाङ तुम्ता थेकावा कालाउ बारका गालाहोइ दोअ्तावा, “बारका सहर बेबाल हेन्जा थिहि! समुन्द्रको गोताङ जाहाजको गोताङ गिह्रि इङको सहरको सम्पतिको धनि जेङहि। कालाउ एला ए घान्टा ताङ जेदोङ सहरता हिका गोताङ आमेनेगेलाइ नासा हि।

प्रकास 19:5

कालाउ इङको सोमोइता, का हासु बुङ नुइ धुइका हिङघा। कालाउ वाको गाला इसिका लागिहि कि जेसाङ परमेस्वरको सिङहासनसो लोका हिघाहि। वा दोअ्हि, “नाअ् दोङ केलाइको परमेस्वरको सेवकगेलाइ हिना कालाउ नाअ् वासेहेङ थि। चाहे नाअ् महत्वय पुर्न हि चाहे महत्व हिन द्‍याङगेलाइ हिसुना। केलाइको परमेस्वरको बाखानाइ पासु!”

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 4:9

जाइ सिङहासनता बिराजमान हिका हि वा दोङ हि जाइ जेलाउलाउ बुङ सिन्हुका हितेङ हिखे। जेलाउ बुङ हुसि हिका प्रानिगेलाइ वासेहेङ महिमा, आदार, कालाउ धन्यबाद पिखे, ए कुरि द्‍यामि आगुवागेलाइ वाको आगाता तुघुरतेङ वाको आराधाना पाखे। इम्बालाइ ता-ताइको मुकुट सिङहासनको आगाता ताअ्तेङ या दोअ्ताङ:

प्रकास 8:10

सुमतेङ स्वर्गदुत ताइको सानाइ म्होहि, कालाउ आकाससो एनोङ बारका फुरु जाइ रा:को भाइपा जोल्घाहि इङको आकाससो हुल्हि। इङको फुरु चिको कालाउ झारनागेलाइको ए तिहाइ भाग ह्रुता हुल्हि।