प्रकास 14:6 - Dhimal NT

⁶ कालाउ का भेनेङ स्वर्गदुतहेङ बुङ आकास ह्रुता उराइतेङ हिका तिङघा। इङको स्वर्गदुत गोताङ कुल, भासा, रास्ट, कालाउ जाति-जातिको गोताङ द्‍याङगेलाइहेङ सुसमाचार चुम्तेङ हिङपालि हानिघाहि। इदोइ सुसमाचार जेलाउलाउको भाअ्सिङ माबदलियाङ।

प्रकास 14:6 Iomraidhean Croise

मत्‍ति 10:27

जेदोङ बुङ परमेस्वर नेलाइहेङ कितिकितिकाता दोअ्का हि, इङको काथा नेलाइ माअ्थिसिङ सार्बाजानिक थामेता दोअ्सु। न्हातोङता हिङका काथा साअ्को चाल्हेसो प्रचार पासु।

मर्कुस 16:15

कालाउ येसु इम्बालाइहेङ दोअ्हि, “सुमिङ भरि गोताङ थामेगेलाइता हानेसु कालाउ झाराङ द्‍याङगेलाइहेङ सुसमाचार हिङपासु।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।

2 थेस्लोनिकि 2:16

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

हिब्रु 13:20

कालाउ एला, सान्तिको परमेस्वर, जाइ प्रभु येसुहेङ सिकासो सिन्हु पाहि, वाको इच्छा पुरा पालिको भाअ्सिङ नेलाइहेङ गोइका गोताङ गुनगेलाइ प्याको, कालाउ परमेस्वर वासेहेङ मन परिका गोताङ काथागेलाइ येसु ख्रिस्ट पाहासो पालिको भाअ्सिङ केलाइहेङ साघाइयाको। येसु दोङ भेडागेलाइको आसल लाखुरिया हि दोअ्का काथा आनान्त बाचाको चिन्हा वाको हितिसो दोङ तिङपाखे, वासेहेङ दोङ जेलाउलाउको भाअ्सिङ महिमा मिलियाको। आमेन।

1पतरुस 1:25

कालाउ प्रभुको बचन जेलाउलाउ बुङ हितेङ हिखे।” कालाउ नेलाइहेङ प्राचार पाका सुसमाचारको बचन इदोइ दोङ हि।

प्रकास 10:11

कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

प्रकास 10:7

एला धिला माजेनाङ। जेसाङ दोङ न्हितेङ स्वर्गदुत ताइको सानाइ म्होतावा कालाउ परमेस्वर एन्सालाउ दोङ ताइको काम पावा। वाको म्होन्हाका योजाना बुङ पुरा जेनावा, जाइ वा ताइकोङ बक्तागेलाइहेङ दोअ्का हिघाहि जाइ वाको सेवा पाखे।

प्रकास 13:7

परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 8:13

जेलाउ का आरोङ खाङघा, एनोङ बाजा मध्ये आकासता हेन्जा ह्रुता उराइतेङ हिका कालाउ तिराराइका गालाहोइ एसा दोअ्काताङ पाका का हिङघा, “सुमिङता हिका मारेम्का द्‍याङगेलाइको भाअ्सिङ या हेथे थिलि गोइका हि, हाइपालिपानु जेलाउ आम्तिम सुमि स्वर्गदुत ताइको सानाइ म्होतावा, कालाउ सुमलोङ आरु बिपतिगेलाइ इम्बालाइ ह्रुता ल्वावा।”