प्रकास 14:4 - Dhimal NT

⁴ इम्बालाइको जिबन पबित्तरो हि। वा वाबालाइ भाइपा जाइ हेलाउ बुङ कासिबिरि पाका मान्थु, एन्साङ दोङ ओबालाइ हासुको बुङ हेलाउ बुङ आराधाना मापाहि, इम्बालाइ थुमाको खिनिङ आराधाना पाखे। जेता थुमा हानिखे, इम्बालाइ बुङ वाको दोफा हानिखे। इम्बालाइ एबालाइ दोङ हि जाइहेङ प्रिथिबिको गोताङ द्‍याङगेलाइको माझासो लाअ्पाहि। जेसाङ द्‍याङगेलाइ ताइको मिलिङसो लाङ फल परमेस्वरता पिखे, एन्साङ दोङ एबालाइ बुङ परमेस्वरको कालाउ थुमाहेङ लाङ भेतिको रुपता चाढाइका हि।

प्रकास 14:4 Iomraidhean Croise

मत्‍ति 19:12

हाइपालिपानु आधिमिको जोलोम दोङ नपुङसक हिखे। आधिमिहेङ चाहि द्‍याङगेलाइ दोङ बानाइका नपुङसक हिखे। कालाउ आधिमि चाहि ता-ताइमि दोङ परमेस्वरको सासनको भाअ्सिङ बिहु मापासिङ हिखे। जाइ इदोइ बुझिलि दोअ्खे वा इदोइ काथा मानियाको।”

मत्‍ति 25:1

आरोङ येसु ताइको चात्यागेलाइहेङ दोअ्हि, जेलाउ का द्‍याङको चान धुरितेङ ल्वाङका, कालाउ परमेस्वरको सासन एसापा जेनावा: तेलोङ धानिगेलाइ जाइ ताइको गेसा चुम्तेङ दाराहेङ कालाउ वाको बिहुको भातियारता भेतिलि हानावा।

मत्‍ति 8:19

जेलाउ इम्बालाइ हानिलिको भाअ्सिङ तियार जेङहि, एन्सालाउ दोङ एमि व्यवस्था धिरपाका द्‍याङ वाकोता लोहि कालाउ दोअ्हि, “हे गुरु ज्यु, नाअ् जेता हानाना, का बुङ नाङको चात्या जेङलि हानाङका।”

युहन्‍ना 10:27

जेसापा भेडागेलाइ ताइको सत्ये लाखुरियाको गाला नाल्खे, एन्साङ पातेङ काङको द्‍याङगेलाइ काङको दोअ्का काथाता ध्यान पिखे। का इम्बालाइहेङ नाल्खा, कालाउ इम्बालाइ काङको चात्यागेलाइ जेङलि दोका हि।

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

युहन्‍ना 13:37

पतरुस येसुहेङ दोअ्हि, “प्रभु, हाइ पालि का एलाङ दोङ नासेहेङ पिताइलि माद्वाङका रो? नाङको भाअ्सिङ का सिलि बुङ तियार हिघा।”

युहन्‍ना 8:12

येसु आरोङ इम्बालाइहेङ दोअ्हि, “का सुमिङको फाइसालामका हिघा। कासेहेङ पिताइकालाइ कितिकितिकाता माहिगिल्लाङ, कालाउ वाको इङको फाइसालामका निनाङ जाइ दोङ आनान्त जिबनको पिखे।”

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

1 कोरिन्थि 16:15

खान्धुराइ ओनेगेलाइ, नेलाइहेङ थाहा दोङ हि, कि स्तिफन कालाउ वाको जाहानगेलाइ आखैया प्रदेसता खाङधुरि पाकालाइ मध्ये लाङति हि। इम्बालाइ पबित्तरो जनगेलाइको सेवाता ताइमिहेङ आर्पन पाका हि।

1 कोरिन्थि 6:20

हाइपालिपानु नेलाइहेङ परमेस्वर दाम तिरितेङ चोल्का हि। ओदोङ भाअ्सिङ नेलाइ ताइको जिउसो परमेस्वरको महिमा पासु।

1 कोरिन्थि 7:28

कालाउ नेलाइ बिहु पासुना पानु इङको पाप माको, कालाउ धानि बेजान बिहु पानु बुङ इङको पाप माको। कालाउ बुङ बिहु पाकालाइ चाहि इदोइ सुमिङता हिलाउ जिबनता दुख निनावा, कालाउ का नेलाइहेङ यासो जोगाइलि भोखा।

2 कोरिन्थि 11:2

परमेस्वर नेलाइको बारेता चिन्ता पाका कोनिङ का बुङ चिन्ता पाका हिघा, का बाचा पाखा कि नेलाइको एमि खिनिङ के ख्रिस्टहेङ प्याङका, जेसाङ बिहु जेङखे कालाउ एमि आबा ताइको धानि चामिन्दिहेङ वाको के हेङ पिका भाइका हि।

एफिसि 1:14

हाइपालिपानु परमेस्वर केलाइहेङ पबित्तरो आत्मा पिलि दोका हि पानु, पाक्का दोङ वा केलाइहेङ प्रतिग्या पाका आरु रेम्का आमेनेगेलाइ बुङ प्याङ। कालाउ या जेनावा जेलाउ परमेस्वर केलाइहेङ वाकोङ द्‍याङगेलाइको रुपता पुर्न रितहोइ लाअ्पावा। कालाउकि केलाइ परमेस्वरको बाखिन कालाउ महिमा पाइने।

एफिसि 5:27

ख्रिस्ट ताइको मन्डलिको भाअ्सिङ सिहि, कालाउकि वा ताइको गोताङ द्‍याङगेलाइहेङ सिद्द बानाइयाको कालाउ इम्बालाइहेङ ताइमिको लोकाता चुमालि द्वाको। जेदोङता हिदोइ बुङ गल्ति माकुनु पाप माकुनु आरु मारेम्का कामगेलाइ माजेनाङ भरु इम्बालाइ पबित्तरो कालाउ सिद्द जेनावा।

1तिमोथि 4:3

इन्सिका द्‍याङगेलाइ धिरपाखे कि बिहु पालि माएल, कालाउ हेथेते आमेनेगेलाइ चाअ्लि माएल। कालाउ खाङधुरि पाकालाइ कालाउ सत्ये काथा गिकालाइ धन्यबाद पितेङ चाअ्लि एल, हाइपालिपानु परमेस्वर दोङ इङको गोताङ चाअ्का आमेने सिरजाइहि।

हिब्रु 12:23

नेलाइ परमेस्वरको जेठा चानगेलाइको मन्डलिता लोका हिसुना, जाइको मिङ स्वर्गता लेखेका हि, स्वर्गता हिका इम्बालाइ धर्मि जनको आत्मा दोङ हि, जाइहेङ एला सिद्द बानाइका हि। नेलाइ ताइमिङ परमेस्वरकोता लोका हिसुन्हा, जाइ झाराङ द्‍याङगेलाइको न्याय कर्ता हि।

याकुब 1:18

वा ताइकोङ इच्छासो सत्येको बचनसो केलाइहेङ नावा जिबन पिहि, कालाउकि केलाइ वा दोङ सिरजाइका सेकाको लाङ फल भाइपा जेङलि द्वाइने।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 21:22

का मुन्दिर मातिङघा, हाइपालिपानु परमप्रभु परमेस्वर सरबुङसाइका कालाउ थुमा ओदोङ सहरता हिखे। ओदोङ भाअ्सिङ, एला इन्ता मुन्दिरको आवस्यक मान्थु।

प्रकास 21:23

इदोइ सहरहेङ थाअ्साइका पिलि सान्हे माकुनु तालि मागोइखे। हाइपालिपानु ताइमिङ परमेस्वरको महिमाता इङको सहरहेङ थाअ्साइ पाका हि, थुमा बुङ जाइ यासेहेङ थाअ्साइका बानाइहि।

प्रकास 3:4

कालाउ नेलाइको माझाता सार्दिस सहरता आधिमि द्‍याङगेलाइ हि, जाइ पापगेलाइसो आसुद्द जेङका मान्थु। इम्बालाइ का दोफा जे:का धाबा होङतेङ हिगिल्लावा हाइपालिपानु इम्बालाइ योग्यको हि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।