प्रकास 14:3 - Dhimal NT

³ ए लाख न्हे कुरि द्‍या हाजार द्‍याङगेलाइ सिङहासनको आगाता, द्‍यालोङ हुसि हिका प्रानिगेलाइको आगाता, कालाउ आगुवागेलाइको आगाता जाअ्हि। इम्बालाइ नावा ले लेघाहि जाइ वा खिनिङ ले धिरलि दोघाहि। प्रिथिबिता हिका द्‍याङगेलाइ मध्येसो, इम्बालाइहेङ खिनिङ परमेस्वर लाअ्पाहि।

प्रकास 14:3 Iomraidhean Croise

1 कोरिन्थि 1:18

हाइपालिपानु परमेस्वरसो साजाइ निङका द्‍याङगेलाइको भाअ्सिङ क्रुस्टता येसु ख्रिस्टको सिकाको सिक्स्या हाइ दोङ महत्वको माहिखे, कालाउ केलाइ मुक्ति निङकालाइको भाअ्सिङ या परमेस्वरको सरबुङको प्रामान दोङ हि।

1 कोरिन्थि 2:14

जेदोङ द्‍याङता पबित्तरो आत्मा मान्थु, वा पबित्तरो आत्मासो लोका सिक्स्यागेलाइ सुइकार मापाखे। हाइपालिपानु इङको काथागेलाइ वाको भाअ्सिङ मुर्ख काथा हि। वा इङको काथागेलाइ बुझिलि मादोखे हाइपालिपानु इङको काथागेलाइ पबित्तरो आत्मा खिनिङ द्‍याङगेलाइहेङ बुझिपालि दोअ्खे।

प्रकास 14:1

कालाउ न्हुसो का आरोङ स्वर्गदुतहेङ थुमाको सियोनको तिकारता जाअ्तेङ हिका तिङघा। वाको दोफाङ वाको ए लाख न्हे कुरि द्‍या हाजार द्‍याङगेलाइ हिघाहि। इम्बालाइको कापालता थुमाको कालाउ वाको आबाको मिङ लेखेका हिघाहि।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 2:17

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। उङको द्‍याङगेलाइहेङ जाइ दुस्टको सरबुङहेङ हारिपावा, का आधे मन्न प्याङका जेदोङ म्होका हिघाहि। का झाराङहेङ एनोङ जे:का उन्ठुइ प्याङका, जेदोङता नावा मिङ लेखेयाङ। इङको मिङ हासुहेङ बुङ थाहा माज्याङ इङको मिङ ह्रुका द्‍याङ बाहेक।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 7:4

जेलाउ स्वर्गदुतगेलाइ मोहोर लागाइलि दोपातेङ, हासु बुङ कासेहेङ दोअ्हि कि उङको द्‍याङगेलाइको जाइको कापालता स्वर्गदुतगेलाइ परमेस्वरको दागाइका चिन्हा हिघाहि इम्बालाइको सङख्या ए-लाख न्हे कुरि द्‍या हाजार हिघाहि। उङको द्‍याङगेलाइ इस्राएलको गोताङ तेन्हे कुलसो लोका हिघाहि।