प्रकास 13:7 - Dhimal NT

⁷ परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 13:7 Iomraidhean Croise

लुका 4:6

कालाउ साइतान येसुहेङ दोअ्हि, का इदोइ गोताङ राइजिगेलाइको खाबारा इङको धन-सम्पति कालाउ सरबुङगेलाइ प्याङका इदोइ गोताङ कासेहेङ सुम्पिका हि, कालाउ का जाइहेङ इच्छा पाखा वासेहेङ प्याङका,

युहन्‍ना 19:11

येसु उतारा पिहि, नासेहेङ परमेस्वरसो खाबारा मापिकानु काङको ह्रुता नाङको हाइ दोङ खाबारा माजेङधाङ। ओदोङ भाअ्सिङ जाइ कासेहेङ नाङकोता सुम्पिका हि, झन हेन्जा पापको दुसिका हि।

प्रकास 10:11

कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 11:7

न्हेनोङ साक्सिगेलाइ परमेस्वरको सन्‍देस प्राचार पालि दोपालि दोतेङ, कालाउ राक्सेस जाइ वाङखाराका खारासो बाहार ओल्लेतेङ लावा, वा इङको इदोइ न्हेनोङ साक्सिगेलाइ दोफा धुम पावा। राक्सेस वासेहेङ हारिपावा कालाउ इम्बालाइहेङ सेअ्तावा।

प्रकास 12:17

याको कारान इङको बारका आजिङगर बेबाल दोफा हेन्जा चेर ताम्पाहि। ओदोङ भाअ्सिङ, वा उङको बेबालको सान्तानको बिरोधता धुम पालि घोसाना पाहि। इङको या द्‍याङ हि जाइ परमेस्वरको आग्या केम्खे। कालाउ जेलाउ बुङ थुमा दोङ प्रभु हि दोअ्तेङ इङको इस्थिर हिखे।

प्रकास 17:15

इङको स्वर्गदुत कासेहेङ एसा बुङ दोअ्हि, “नाअ् लाम्फा तिङका हिना हेन्जा झोरागेलाइ जेदोङ ह्रुता इङको बेबाल योम्तेङ हिघाखे, वा सुमिङको गोताङ द्‍याङगेलाइ, गोताङ कुल, गोताङ रास्ट, कालाउ गोताङ भासाको द्‍याङ हि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।