प्रकास 13:6 - Dhimal NT

⁶ राक्सेस परमेस्वरहेङ स्रापलि तेङहि। वा परमेस्वरको मिङको बिरोधता, जेता परमेस्वर हिका इङको थामेको बिरोधता कालाउ स्वर्गता हिका गोताङ द्‍याङगेलाइको बिरोधता धुइहि।

प्रकास 13:6 Iomraidhean Croise

मत्‍ति 12:34

ओइ बिस हिका पुय्याँको सान्तानगेलाइ भाइका, नेलाइ मारेम्का जेङतेङ बुङ हेसा रेम्का काथा दोअ्लि दोअ्स्वाना? जेदोङ मनता हि, ओदोङ द्‍याङगेलाइ दोअ्खे।

मत्‍ति 15:19

हाइपालिपानु द्‍याङको हृदयसो मारेम्का बिचार, मारा पाका, उलिगिल्का, कासिबिरि, खुगिल्का, धाताइका साक्सि, कालाउ बोमिहेङ मन्दा माताका काथागेलाइ बाहार ओल्लिखे।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

रोमि 3:13

“इम्बालाइको काथा ह्वाङह्वाङका तोमसो लोका मारेम्का आइका न्हाम्का भाइका हि, इम्बालाइको देतोङ धाताइकाहोइ पोङघाका हि। इम्बालाइको नुइ धुइका पुय्याँको बिस भाइका हि, जेदोङहोइ हान्ति कालाउ सिका चुमाखे।”

कलस्सि 1:19

हाइपालिपानु आबा परमेस्वर योजाना बानाइहि कि वाको गोताङ बानि ख्रिस्टता ह्याको।

कलस्सि 2:9

हाइपालिपानु ख्रिस्ट द्‍याङ जेङतेङ लोलाउ बुङ, वा पुराङ रुपता परमेस्वर हिघाहि।

हिब्रु 9:2

या बासा हिका थामे गुपुसको धालेसो बानाइका हिघाहि, कालाउ इङको बासा हिका माझाता इम्बालाइ पारदा ताङगाइतेङ न्हेनोङ कोठा बानाइका हिघाहि, लाङ कोठाता न्हि लोङ दालेङगेलाइ हिका चेरादानि हिघाहि, कालाउ इन्ता एनोङ चाङ चाउकि हिघाहि, इङकोता परमेस्वरहेङ चढाइका तोले हिघाहि, इङको कोठाहेङ पबित्तरो थामे दोअ्घाखे।

हिब्रु 9:24

ओदोङ भाअ्सिङ येसु ख्रिस्ट द्‍याङगेलाइको बानाइका इङको खोपाराता मान्हेहि, हाइपालिपानु जेदोङ चाहि खास काथाको नक्कल खिनिङ हि, कालाउ वाते सकलि थामे स्वर्गता हानिहि, कालाउकि वा केलाइको फाइदाको भाअ्सिङ परमेस्वरको आगाता हानिलि द्वाको।

प्रकास 11:12

कालाउ न्हुसो, उङको न्हेमि साक्सिगेलाइ स्वर्गसो हासुको बुङ बार्का गालाहोइ वाको दोफा काथा पाकाताङ पाका हिङघा। वा दोअ्हि, “इसो ह्रुता लोङ!” कालाउ इम्बालाइको गोताङ दुस्मनगेलाइ खाङकाताङ-खाङकाताङ, इम्बालाइ स्वर्ग ह्रुता हानिहि। इम्बालाइहेङ बादेल थुम्हि।

प्रकास 12:12

ओदोङ भाअ्सिङ इता स्वर्गता हिका नेलाइ झाराङ आनान्द जेङसु! कालाउ नेलाइ झाराङ जाइ प्रिथिबि कालाउ समुन्द्रता हिका, नाअ् या हेथे थिलि गोइका हि। हाइपालिपानु साइतान नाङकोता लेता लोका हि। वा हेन्जा चेर ताम्पाका हि हाइपालिपानु वा गिखे कि वाको दोफा काम पालि हेन्जा सोमोइ मान्थु।”

प्रकास 15:5

इदोइ द्‍याङगेलाइ ले लेलि दोतेङ न्हुसो, का तिङघा स्वर्गता मुन्दिर हेअ्न्हाका हिघाहि। जेदोङ इङको पाल भाइका हि। जाइहेङ हिब्रुगेलाइ ताइ दोफाङ चाका-मान्दा थामेता न्हे कुरि बासार थेकापा घुराइगिल्हि।

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 21:3

आरोङ का परमेस्वरको सिङहासनसो बारका गालाहोइ हासु बुङ धुइका हिङघा। वा दोअ्हि, “एलासो परमेस्वर मानिमुइगेलाइ दोफा ह्याङ, कालाउ वा ताइको द्‍याङगेलाइता ह्याङ। वा ताइमिङ दोअ्ताङ ओबालाइ वाको द्‍याङगेलाइ हि कालाउ वा बुङ ओबालाइ दोफा ह्यावा, कालाउ ओबालाइ बुङ दोअ्तावा इङको वाको परमेस्वरको हि।

प्रकास 4:1

इदोइ गोताङ घाटानागेलाइ जेङलि दोअ्तेङ न्हुसो, का युहान्‍ना तिङघा कि स्वर्गता एनोङ फिनु हेअ्न्हाका हिघाहि, कालाउ इन्ता का दोफा हासु बुङ नुइ धुइतेङ हिघाहि कालाउ जाइ नुइ धुइघाहि वाको गाला का लाम्फा हिङका हिघाखा, जाइको गाला सानाइको गाला भाइका हिघाहि। कालाउ वा कासेहेङ दोअ्हि: “इता ह्रुता लौउ, कालाउ एला न्हुसो जेदोङ काथागेलाइ जेङलि गोइखे का इङको नासेहेङ तिङपाङका।”

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 5:13

कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”

प्रकास 7:15

ओदोङ भाअ्सिङ इम्बालाइ परमेस्वरको सिङहासनको आगाता जाअ्खे, इम्बालाइ पुरा सोमोइ परमेस्वरको मुन्दिरता वाको सेवा पाखे, कालाउ सिङहासनता बिराजमान हिका इम्बालाइहेङ सामाराइखे हाइपालिपानु वा इम्बालाइ दोफा हिखे।

प्रकास 7:9

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।