प्रकास 13:3 - Dhimal NT

³ वाको एनोङ पुरिङता, वाङखाराका पेचाराको दाग हिघाहि जेदोङ कारान वा सिलि दोधावा। कालाउ इङको पेचारा एल्लि दोका हिघाहि। ओदोङ भाअ्सिङ, प्रिथिबिता हिका द्‍याङगेलाइ आचाम्मा जेङहि कालाउ इङको राक्सेसहेङ पिताइलि तेङहि।

प्रकास 13:3 Iomraidhean Croise

लुका 2:1

इङको दिनाता रोमि साम्रात आगसतस दोङ ताइको गोताङ रोमि राइजि भरि झाराङ द्‍याङगेलाइको जनगरना पालि हुकुम पिहि।

युहन्‍ना 12:19

फारिसिगेलाइ जेलाउ एमिसो-भेनेङहेङ दोअ्लि तेङहि, “खाङसु, नेलाइसो हाइ दोङ पालि माद्वाङ। तिङसुखेना गोताङ सुमिङको द्‍याङगेलाइ वाको लेसारा पिताइलि दोहोइ।”

साल्न्हाका चात्या 8:13

सिमोन ताइमिङ फिलिपको सन्देसता खाङधुरि पाहि कालाउ बप्तिस्ता ह्रुहि, कालाउ वा फिलिप दोफाङ हिलि तेङहि, कालाउ फिलिपको पाका चिन्हागेलाइ कालाउ बा-बार्का सरबुङगेलाइको कामगेलाइ पाका तिङतेङ, सिमोन भारभुसाइहि।

प्रकास 13:12

इदोइ न्हेतेङ राक्सेस लाङतिको राक्सेसको पिका सरबुङ प्रयोग पाघाहि। वा सुमिङता हिका गोताङ द्‍याङगेलाइहेङ इङको लाङति राक्सेसको आराधाना पालि बाध्ये बानाइहि। कालाउ इङको राक्सेसको वाङखाराका पेचारा एल्लि दोका हिघाहि।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 17:10

इङको न्हिमि राजागेलाइ मध्ये, नामि राजा लाम्फा दोङ सिलि दोहोइ। उङको मध्येसो एमि तुतेङ सासक हि एला वा सासन पादोङखे। आम्तिम राजा एला बुङ लोका मान्थु। कालाउ जेलाउ वा ल्वाङ, वा आतुइसा सोमोइको भाअ्सिङ खिनिङ सासन पावा।

प्रकास 17:11

इङको राक्सेस जाइ हेन्जा लाम्फा सिन्हुका हिघाहि कालाउ एला वा सिन्हुका मान्थु, वा दोङ येएतेङ राजा हि। कालाउ उङको येएतेङ राजा लाङतिको न्हिमि राजा मध्ये एमि हि। कालाउ आन्ताको सोमोइता उङको राजाहेङ पाक्का दोङ जेलाउलाउको भाअ्सिङ साजाइ मिलियाङ।

प्रकास 17:13

इदोइ गोताङ तेमि राजागेलाइको एनोङ दोङ उदेस्य हि, कालाउ इम्बालाइ ताइको सरबुङ कालाउ खाबारा राक्सेसहेङ प्यावा।

प्रकास 17:17

उङको बेबाल जाइहेङ नाअ् तिङन्हा, इदोइ माहान सहर हि जेदोङ प्रिथिबिको गोताङ राजागेलाइ ह्रुता सासन पाखे। इदोइ गोताङ इङको बेबाल दोफा जेङहि हाइपालिपानु परमेस्वर ताइको उदेस्यगेलाइ पुरा पालिको भाअ्सिङ द्‍याङगेलाइको मनहेङ चालाइहि। इदोङ कारनहोइ, जेलाउ थेकापा परमेस्वरको दोअ्का काथा पुरा माजेङपा भरि। इम्बालाइ राक्सेसहेङ सासन पालिको भाअ्सिङ ताइको खाबारा पिहि।”

प्रकास 17:6

कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।