प्रकास 13:16 - Dhimal NT16 न्हेतेङ राक्सेस गोताङ द्याङगेलाइहेङ बाध्ये बानाइहि, जाइ महत्वय पुर्न कालाउ जाइ महत्वय हिन हि, धनि कालाउ गरिब, बान्धाइति माकुनु जाइ बान्धाइति माजेङका, कि उङको झाराङ द्याङगेलाहेङ लाङति राक्सेसको मिङ ताइको दाम्पाहा खुर माकुनु ताइको कापालता छाप लागाइयाको। Faic an caibideil |
प्रकास 13:16
26 Iomraidhean Croise
जेदोङ द्यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्याङगेलाइहेङ जाइ नासेहेङ थिखे। कालाउ जेदोङ द्याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”
कालाउ का समुन्द्र भाइका तिङका आमेने तिङघा, जेदोङ काँसा भाइपा चिल्कातेङ हिघाहि कालाउ मे दोफा बुङ मिसालाइका हिघाहि। का उङको द्याङगेलाइहेङ बुङ तिङघा जाइहेङ राक्सेस जितिलि मादोहि। इम्बालाइ इङको राक्सेस कालाउ इङको मुर्तिहेङ मापुजिहि, कालाउ वाको सङख्याको छाप मालागाइहि, जेदोङ राक्सेसको मिङको चिन्हा हि। कालाउ इन्ता समुन्द्र भाइका तिङपाका भाइपा काम्भेता जाअ्का हिघाहि, कालाउ झाराङ परमेस्वरको पिका उर्निहेङ इम्बालाइ झाराङ चाअ्का हिघाहि।
कालाउ इङको लाङति राक्सेस कालाउ वाको दोफा भेनेङ राक्सेस जाइ धाताइका आगमबानि पाघाखे इङको न्हेमि रिम निन्चाहि। इदोइ धाताइका आगमबक्ता राक्सेसको भाअ्सिङ आचाम्माको चिन्हा तिङपाघाहि कालाउ झाराङ द्याङगेलाइहेङ धोका पिहि जाइ राक्सेसको चिन्हा ताइको कापाल ह्रुता ताअ्का हिघाहि कालाउ जाइ वाको मुर्तिहेङ पुजा पाका हिघाहि। इदोइ न्हेमिहेङ सिन्हु पाङ गन्धकहोइ ओतेङ हिका ताल भाइका बारका मेता थाइगिल्याङ।
कालाउ का सिङहासनको आगाता सिका द्याङगेलाइहेङ तिङघा, जाइ, महत्व पुर्न कालाउ महत्वहिन हि। जाइ समुन्द्रता दुबेतेङ सिका द्याङ हिघाहि, तोमगेलाइता हिका झाराङ सिका द्याङगेलाइ, जाइ सिकालाइको थामेता हिघाहि, इम्बालाइ झाराङ सिङहासनको आगाता जाअ्हि। कालाउ गोताङ किताप खोलेहि, कालाउ जिबनको किताप बुङ खोलेहि। सिका द्याङगेलाइ जेदोङ गोताङ काम पाहि इङको कितापता लेखेका हिघाहि कालाउ इङको कामगेलाइ आन्सार इम्बालाइ झाराङहेङ न्याय पिहि।
कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।
Sanasan