प्रकास 13:10 - Dhimal NT

¹⁰ जेदोङ द्‍याङ झ्यालखानाता परिलि गोइका हि, वा जातिङकोङ झ्यालखानाता परियाङ, कालाउ जाइ तरवारहोइ सेअ्न्हालि गोयाङ, वा जातिङकोङ तरवारहोइ सेअ्न्हाङ। ओदोङ भाअ्सिङ परमेस्वरको द्‍याङगेलाइ कस्टगेलाइको सोमोइता धैर्यता ताअ्लि गोइखे कालाउ परमेस्वरता जेलाउ बुङ भोरोसा पातेङ हिलि गोइखे।

प्रकास 13:10 Iomraidhean Croise

मत्‍ति 26:52

येसु वासेहेङ दोअ्हि, नाङको दाब्बिया वाकोङ दाबिता ह्वावा! जाइ दाब्बिया चालाइखे वासेहेङ दाब्बियाहोइ दोङ सेअ्तावा।

मत्‍ति 7:2

हाइपालिपानु जेसाङ नेलाइ आरुगेलाइहेङ न्याय पासुखेना, एन्साङ पातेङ नेलाइहेङ बुङ परमेस्वर न्याय पावा। परमेस्वर नेलाइ दोफा ठिक इन्सिकाङ ब्यभार पावा, जेसा नाअ् आरुगेलाइ दोफा पाखेना।

लुका 21:19

नेलाइको खाङधुरिको कारनहोइ इदोइ गोताङ बिपतिगेलाइसो प्रान बान्चियावा।

कलस्सि 1:11

का प्रार्थाना पाखा, कि नेलाइहेङ परमेस्वर ताइको माहान सरबुङ प्रयोग पातेङ हेन्जा बल्लियाका बानाइका हि। कालाउकि नेलाइ धर्य पासु कालाउ आनान्द दोफाङ ताइको गोताङ कस्टगेलाइ सहिलि दोसु।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 14:12

ओदोङ भाअ्सिङ इदोइ बुझिलि जरुरि हि कि परमेस्वरको द्‍याङगेलाइ गोताङ कस्टगेलाइ बुङ सहिलि गोइखे। ओबालाइ परमेस्वरको आग्यागेलाइ केमावा कालाउ येसुता खाङधुरि पालि मालातावा।

प्रकास 16:6

हाइपालिपानु इम्बालाइ नाङको द्‍याङगेलाइहेङ कालाउ बक्तागेलाइहेङ सेअ्का हिघाहि, कालाउ इम्बालाइको हिति होपाका हिघाहि, ओदोङ भाअ्सिङ, एला नेलाइ ओबालाइहेङ हिति आम्लि प्याना। कालाउ या वाको भाअ्सिङ सहि इनाम हि।”

प्रकास 17:11

इङको राक्सेस जाइ हेन्जा लाम्फा सिन्हुका हिघाहि कालाउ एला वा सिन्हुका मान्थु, वा दोङ येएतेङ राजा हि। कालाउ उङको येएतेङ राजा लाङतिको न्हिमि राजा मध्ये एमि हि। कालाउ आन्ताको सोमोइता उङको राजाहेङ पाक्का दोङ जेलाउलाउको भाअ्सिङ साजाइ मिलियाङ।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 2:19

कासेहेङ नेलाइको काम थाहा हि कि, नाअ् एमिसो भेनेङहेङ प्रेम पाखेना, नाअ् काङकोता ओसारापाङ भोरोसा ताअ्खेना। कालाउ कासेहेङ थाहा हि कि, नाअ् एमिसो भेनेङहेङ हेसा साघाइका हिना, कालाउ नाङको धैर्यको स्यमता। कालाउ का गिखा कि, नेलाइ एला बुङ लाम्फाङ खान्तेङ आसल कामगेलाइ पासुखेना, जेलाउ नाअ् का ह्रुता लाम्फा खाङधुरि पाका हिघाखेना।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।