प्रकास 12:8 - Dhimal NT

^8-9 कालाउ इङको बारका आजिङगर धुमता हारेहि। कालाउ इङको बारका आजिङगर कालाउ वाको दोफाको दुत स्वर्गता हिलि मानिङहि। इम्बालाइहेङ प्रिथिबिता थाइगिल्पिहि, इङको बारका आजिङगर इङको ओदोङ हि जाइ हेन्जा सोमोइ लाम्फा पुह्याँको रुपता देखाल जेङहि। वाको मिङ साइतान, जाइ द्‍याङगेलाइहेङ दुसिखे। वा दोङ जाइ इदोइ सुमिङता द्‍याङगेलाइहेङ जेलाउ बुङ धोका पितेङ लोखे।

प्रकास 12:8 Iomraidhean Croise

मत्‍ति 16:18

कालाउ का नासेहेङ दोअ्खा, नाअ् पतरुस हिना। कालाउ का काङको मन्डलि या उन्ठुइ ह्रुता बानाइ याङका, कालाउ नरकको गोताङ सरबुङगेलाइहोइ बुङ यासेहेङ जितिलि मादावा।

साल्न्हाका चात्या 1:25

कालाउ उङको इदोइ सेवा कालाउ छाल्न्हाका चात्याको कामता दुल्लि द्वाको, जेदोङ सेवा लाअ्तेङ यहुदा सिहि कालाउ ताइको निजि थामेता हानिहि।”

यहुदा 1:6

नेलाइ उङको स्वर्गदुतगेलाइको बारेता बुङ सोचिलि गोइखे जाइ परमेस्वर इम्बालाइहेङ पिका खाबाराता सन्तुस्ति मान्थुघाखे, कालाउ स्वर्गता हिका थामेहेङ इम्बालाइ लाअ्हि। परमेस्वर इङको दुतगेलाइहेङ आनान्तको झिन्झिरिहोइ धेउतेङ कितिकितिकाता ताअ्का हि, जेता वा इम्बालाइहेङ इङको माहान दिनाको भाअसिङ ताअ्का हि, जेलाउ वा इम्बालाइहेङ आनान्त दन्ड प्याङ।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 12:7

याको न्हुसो स्वर्गता धुम जेङहि। मिखाएल स्वर्गदुत बाकि झाराङ स्वर्गदुतको प्राधान हिघाहि। मिखाएल बाकि स्वर्गदुतगेलाइहेङ जाइ वाको खाबाराता हिघाहि कालाउ ओबालाइहेङ चुमातेङ बारका आजिङगरगेलाइहेङ झाअ्मिरिहि। कालाउ बारका आजिङगर आरु वाको दुत जाइ वाको दोफा हिखे, इम्बालाइ आरोङ मिखाएलको बिरोधता धुम पाहि।

प्रकास 20:11

आरोङ का एनोङ बारका जे:का सिङहासन तिङघा, जेता परमेस्वर योम्तेङ हिघाहि। जेता वा योम्का हिघाहि इङको थामेसो प्रिथिबि, आकास कालाउ गोताङ माअ्हि, कालाउ हासु बुङ इम्बालाइहेङ आरोङ हेलाउ बुङ मातिङहि।