प्रकास 12:4 - Dhimal NT

⁴ इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 12:4 Iomraidhean Croise

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

प्रकास 12:7

याको न्हुसो स्वर्गता धुम जेङहि। मिखाएल स्वर्गदुत बाकि झाराङ स्वर्गदुतको प्राधान हिघाहि। मिखाएल बाकि स्वर्गदुतगेलाइहेङ जाइ वाको खाबाराता हिघाहि कालाउ ओबालाइहेङ चुमातेङ बारका आजिङगरगेलाइहेङ झाअ्मिरिहि। कालाउ बारका आजिङगर आरु वाको दुत जाइ वाको दोफा हिखे, इम्बालाइ आरोङ मिखाएलको बिरोधता धुम पाहि।

प्रकास 13:2

जेदोङ राक्सेस का तिङघा वा नाइभिरि भाइका हिघाहि, कालाउ वाको खोकोइगेलाइ लोकाराको भाइका हिघाहि, कालाउ वाको नुइ खुवाँको नुइ भाइका हिघाहि। बारका आजिङगर ताइको सरबुङ इङको राक्सेसहेङ पिहि कालाउ वासेहेङ प्रिथिबि ह्रुता सासन पालि खाबारा पिहि।

प्रकास 13:4

झाराङ द्‍याङगेलाइ इङको बारका आजिङगरको आराधाना पाहि हाइपालिपानु वा राक्सेसहेङ खाबारा पिका हिघाहि। द्‍याङगेलाइ राक्सेसको बुङ आराधाना पाहि। इम्बालाइ दोअ्हि, “राक्सेसको भाइकाङ बल्लियाका हासु बुङ मान्थु। कालाउ हासु बुङ वाको दोफा धुम पालि माद्वावा।”

प्रकास 16:13

कालाउ न्हुसो, का सुमलोङ भुत-आत्मा तिङघा जाइ चोम्फेगेलाइ भाइपा तिङघाखे। लाङति बारका आजिङगरको नुइसो बाहार ओल्लेहि, न्हेतेङ लाङति राक्सेसको नुइसो बाहार लोहि, कालाउ सुमतेङ राक्सेसको नुइसो बाहार लोहि, जाइ धाताइका आगमबानि पिघाहि।

प्रकास 20:2

वा बारका आजिङगरहेङ रिम्हि कालाउ झिन्झिरिहोइ ए-हाजार बासारको भाअ्सिङ जिङतेङ राहि, इङको बारका आजिङगर ओदोङ हि जाइ हेन्जा सोमोइ लाम्फा पुह्याँको रुपता देखाल जेङहि। वाको मिङ साइतान हि।

प्रकास 8:10

सुमतेङ स्वर्गदुत ताइको सानाइ म्होहि, कालाउ आकाससो एनोङ बारका फुरु जाइ रा:को भाइपा जोल्घाहि इङको आकाससो हुल्हि। इङको फुरु चिको कालाउ झारनागेलाइको ए तिहाइ भाग ह्रुता हुल्हि।

प्रकास 8:11

इदोइ कारान, इङको फुरु जेता हुल्हि इन्ताको गोताङ चि ए तिहाइ भाग खाहि कालाउ बिस जेङहि। हेन्जा द्‍याङगेलाइ जाइ इङको चि आम्हि वा सिहि। इङको फुरुको मिङ “ऐरेलु” हि।

प्रकास 8:12

द्‍यातेङ स्वर्गदुत ताइको सानाइ म्होहि, कालाउ सान्हेको ए तिहाइ भाग कालाउ तालिको ए तिहाइ भाग ह्रुता बिपति लोहि। जाइको कारान दिनाको ए तिहाइ भागता सान्हे मालोहि, कालाउ न्हिसिनको ए तिहाइ भागता फुरु कालाउ तालि बुङ माथासाइहि।

प्रकास 8:7

लाङ स्वर्गदुत ताइको सानाइ म्होहि, कालाउ एन्सालाउ दोङ हेन्जा झोसे कालाउ हिति दोफाङ मिसालाइन्हाका मे प्रिथिबि ह्रुता हुल्हि। ओदोङ भाअ्सिङ प्रिथिबिको ए तिहाइ-भाग, कालाउ सिङगेलाइको ए तिहाइ भाग कालाउ गोताङ सिङजाल जाल्का घासिगेलाइ ओहि।

प्रकास 8:8

न्हेतेङ स्वर्गदुत ताइको सानाइ म्होहि, इङको सोमोइ एनोङ बारका ओतेङ हिका रा भाइका तिङका आमेने समुन्द्रता हुल्हि। ओदोङ भाअ्सिङ ए तिहाइ भाग समुन्द्रको चि हितिता भाङगाइन्हाहि।

प्रकास 8:9

समुन्द्रता हिका ए तिहाइ भाग गुपुसगेलाइ सिहि। एसापा समुन्द्रता हिका ए तिहाइ भाग जाहाजगेलाइ बुङ नासा हि।

प्रकास 9:10

इम्बालाइको मेथोङ कालाउ वाको चुका चिम्ताङगेलाइको भाइकाङ हिघाखे। जेदोङ चुका मेथोङता हिघाहि, वाको दोफा इम्बालाइ ना माइना थेकापा द्‍याङगेलाइहेङ कस्ट पिलि दोघाखे।

प्रकास 9:19

इदोइ ओह्याँगेलाइको मेथोङगेलाइता, चोका भाइका पुय्याँगेलाइको पुरिङगेलाइ भाइका आमेनेगेलाइ हिघाहि। ओबालाइको ताइको मेथोङहोइ द्‍याङ जातिहेङ याताना पिघाहि। एसापा, इदोइ ओह्याँगेलाइ ताइको नुइसो कालाउ ताइको मेथोङगेलाइहोइ मानिमुइ जातिगेलाइहेङ याताना पिहि कालाउ वासेहेङ सेअ्हि।