प्रकास 12:10 - Dhimal NT

¹⁰ कालाउ का स्वर्गता एनोङ बारका गालासो एसा दोअ्तेङ हिका हिङघा, “एला केलाइको परमेस्वर ताइको द्‍याङगेलाइहेङ बान्चि पावा! एला वा ताइको सरबुङको प्रयोग पाङ कालाउ राजाको रुपता सासन पाङ! एला वाको ख्रिस्ट सुमिङता ताइको खाबारा दाबि पाङ! हाइपालिपानु साइतान एलासो चुम्तेङ परमेस्वरको आगाता जाअ्तेङ, केलाइ दोफा काम पाका दादा-ओनेगेलाइहेङ न्हिसिन नितिम मादुसियाङ, हाइपालिपानु साइतानहेङ स्वर्गसो बाहार थाइगिल्पिहि।

प्रकास 12:10 Iomraidhean Croise

मत्‍ति 26:64

येसु दोअ्हि, एइ का दोङ कालाउ का दोअ्खा न्हुसो भबिस्यता नेलाइ का द्‍याङको चानहेङ परमेस्वरको दाम्पाहा भारि योम्तेङ हिका स्वर्ग कालाउ आकासता सरबुङसाइपा लोकाताङ पाका तिङस्वाना।

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

मत्‍ति 6:10

नाङको सासन ल्वाको स्वर्गता हिसिका हि, इन्सिकाङ नाङको इच्छा इदोङ सुमिङता पुरा जेनाको।

लुका 11:2

येसु चात्यागेलाइहेङ दोअ्हि, जेलाउ नेलाइ प्रार्थाना पास्वाना, एसा दोअ्तेङ प्रार्थाना पासु, हे स्वर्गता हिका केलाइको आबा परमेस्वर, नाङको मिङ जेलाउलाउ बुङ पबित्तरो जेनाको, नाङको सासन ल्वाको।

लुका 22:31

कालाउ न्हुसो येसु दोअ्हि, सिमोन ओइ सिमोन, हिङ नेलाइ झाराङहेङ साइतान परमेस्वर दोफा जाचिलि आनुमति ह्रेका हि, रेम्कासो मारेम्का खेनावा, जेसाङ एमि किसान बुङ गहमसो पिताना खेनावा।

1 कोरिन्थि 5:4

नेलाइ इसिका पालि गोइखे, कि जेलाउ नाअ् खान्धुराइगेलाइ नेलाइ दोफा प्रभु येसु ख्रिस्टको खाबारा हि दोअ्का काथा बुझितेङ ए दोफाङ जोम्सुखेना, का बुङ प्रभु येसुको सरबुङ दोफा ताइको मनता नेलाइ दोफाङ ह्याङका।

2 कोरिन्थि 12:9

कालाउ वा कासेहेङ दोअ्हि, “काङको आनुग्रह नाङको भाअ्सिङ गेनेगेल्पा जेङका हि, हाइपालिपानु काङको सरबुङ कोमजोरताबुङ सिद्द जेङखे।” ओदोङ भाअ्सिङ ख्रिस्टको सरबुङ का ह्रुता बासा ह्याको दोअ्तेङ का भरु काङको कोमजोरता हेन्जाङ लेङचातेङसाङ गर्ब पाङका।

तितस 2:3

एन्साङ पातेङ बेराङ बेबालाइ गोताङ काथाता परमेस्वरहेङ मन्दा ताअ्का जिबन जियाइयाको, बोमिको काथा पाका कालाउ हेन्जा गोरा-चि आम्का बानि माह्याको। कालाउ इम्बालाइ बो गेलाइहेङ रेम्का काथा पालि धिरपाको दोअ्तेङ इम्बालाइहेङ धिरपा।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 2:26

इम्बालाइ जाइ दुस्टको सरबुङहेङ हारिपावा कालाउ जाइ काङको आग्यागेलाइहेङ आन्त थेकापा केम्खे, का इम्बालाइहेङ सारभिगेलाइ ह्रुता सासन पालि खाबारा प्याङका।

प्रकास 7:10

इम्बालाइ तिराराइका बारका गालाहोइ ह्रिकाइहि, “सिङहासनता बिराजमान हिका केलाइको परमेस्वरहेङ बाखानाइ ज्याको कालाउ थुमाहेङ बाखानाइ ज्याको। नाअ् दोङ इम्बालाइ झाराङहेङ मुक्ति पिखेना।”