प्रकास 11:9 - Dhimal NT

⁹ सुम दिना आधा-दिना थेकापा उङको न्हेमि साक्सिगेलाइको लासगेलाइहेङ सुमिङको गोताङ कुल, भासा, रास्ट कालाउ जाति-जातिको झाराङ द्‍याङगेलाइ तिनावा। कालाउ इम्बालाइ हासुहेङ बुङ इङको लासगेलाइ लिअ्लि मापियाङ।

प्रकास 11:9 Iomraidhean Croise

मत्‍ति 7:2

हाइपालिपानु जेसाङ नेलाइ आरुगेलाइहेङ न्याय पासुखेना, एन्साङ पातेङ नेलाइहेङ बुङ परमेस्वर न्याय पावा। परमेस्वर नेलाइ दोफा ठिक इन्सिकाङ ब्यभार पावा, जेसा नाअ् आरुगेलाइ दोफा पाखेना।

प्रकास 10:11

कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

प्रकास 11:11

सुम दिना आधा दिनाता न्हुसो, परमेस्वर पाहासो जिबन पिका हुसि इम्बालाइता लोहि, कालाउ इम्बालाइ सिन्हुतेङ ल्होहि। कालाउ झाराङ द्‍याङगेलाइ इङको न्हेमि साक्सिगेलाइहेङ आरोङ सिन्हुका तिङहि, कालाउ इम्बालाइ थिहि।

प्रकास 13:7

परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 17:15

इङको स्वर्गदुत कासेहेङ एसा बुङ दोअ्हि, “नाअ् लाम्फा तिङका हिना हेन्जा झोरागेलाइ जेदोङ ह्रुता इङको बेबाल योम्तेङ हिघाखे, वा सुमिङको गोताङ द्‍याङगेलाइ, गोताङ कुल, गोताङ रास्ट, कालाउ गोताङ भासाको द्‍याङ हि।

प्रकास 5:8

जेलाउ वा इङको किताप ह्रुहि, कालाउ इङको द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइ थुमाको आगाता तुघुरहि। गोताङ आगुवागेलाइ उर्नि कालाउ सोनाको जाम बात्ति चाहि। जाम बात्ति धुमानाहोइ पोङघाका हिघाहि जाइ जाम बात्ति खुरता चुम्हि इङको चाहि परमेस्वरको सेवा पाका द्‍याङगेलाइको प्रार्थानाहेङ तिङपाखे।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।