प्रकास 11:8 - Dhimal NT

⁸ इङको न्हेनोङ साक्सिगेलाइहेङ सेअ्लि दोतेङ, इम्बालाइको लासगेलाइ बारका सहर यरुसेलेमको सडकता एन्साङ लाअ्प्याङ, जेता इम्बालाइको प्रभुहेङ क्रुस्टता तोइका हिघाहि। साङकेतिक भासाता इङको सहर सोदोम माकुनु मिस्रो सारभि जेङलि द्वाङ। हाइपालिपानु इङको सहरता हिका द्‍याङ सोदोम सहर माकुनु इजिप्टता हिका भाइपा हेन्जा दुस्ट द्‍याङ हि।

प्रकास 11:8 Iomraidhean Croise

मत्‍ति 10:15

नेलाइहेङ का जातिङ भारि दोअ्खा, न्यायको दिनाता इम्बालाइको बेथा सोदोम सहरको कालाउ गमोराको खान्तेङ सहिलि दोका जेनाङ।

साल्न्हाका चात्या 9:4

कालाउ साउल भोनोइता थुन्हाहि, कालाउ वा प्रभुको इसिका गाला हिङहि, “साउल, साउल नाअ् हाइ पालि कासेहेङ साताइतेङ हिना?”

हिब्रु 13:12

ओदोङ भाअ्सिङ येसु बुङ वाको ताइकोङ हिति पाहासो द्‍याङगेलाइहेङ पबित्तरो पापालि यरुसेलेम सहर खान्तेङ बाहार, “वा कस्ट भोगिहि कालाउ सिहि।”

हिब्रु 6:6

इम्बालाइहेङ आरोङ घुरिपातेङ चुमाका हिदोइ बुङ तरिका मान्थु, हाइपालिपानु या इम्बालाइ ताइमिङ आरोङ परमेस्वरको चान येसु ख्रिस्टहेङ क्रुसता तोइका भाइका हि, कालाउ बो द्‍याङगेलाइ ख्रिस्टको खिल्लि उराइपाखे।

२ पत्‍रुस 2:6

परमेस्वर सोदोम कालाउ गमोरा सहरगेलाइको द्‍याङगेलाइहेङ दुसिहिका हिघाहि, कालाउ इम्बालाइ बुसिरि माजेङपा भरि इम्बालाइहेङ ओपाहि। इङको सदोम कालाउ गमोराको द्‍याङगेलाइहेङ जेदोङ जेङका हिघाहि, इङको चाहि वाको आग्या माकिकालाइको भाअ्सिङ चेताउनि हि।

यहुदा 1:7

इदोङ इस्राएललिगेलाइ कालाउ स्वर्गदुतगेलाइ भाइपाङ सोदोम कालाउ गमोरा सहरगेलाइता कालाउ इङको भेरपाको सहरगेलाइता हिका, द्‍याङगेलाइहेङ जेङका काथा फोम पासु। द्‍याङगेलाइ आनाइतिक जेङका हिघाहि कालाउ गोताङ खाल्को कासिबिरिहोइ भरिका हिघाहि। ओदोङ भाअ्सिङ परमेस्वर इम्बालाइहेङ मेता दुहि। इम्बालाइ दोफा हिका काथा धाताइका सिक्स्यकगेलाइको भाअ्सिङ चेताउनि जेङका हि कि, इम्बालाइहेङ आनान्त थेकापा मेता साजाइ प्याङ।

प्रकास 11:13

एन्सालाउ दोङ एनोङ बार्का भुइचाल यरुसेलेम सहरता हानिहि, सहरको साअ् तेतेङ भाग भाअ्पाहि। इदोइ भुइचाल को कारान, न्हि-हाजार द्‍याङगेलाइ सेन्हाहि। बाकि हिका द्‍याङगेलाइ थिहि, ओदोङ भाअ्सिङ इङको स्वर्गता हिका परमेस्वरको महिमा पालि तेङहि।

प्रकास 11:9

सुम दिना आधा-दिना थेकापा उङको न्हेमि साक्सिगेलाइको लासगेलाइहेङ सुमिङको गोताङ कुल, भासा, रास्ट कालाउ जाति-जातिको झाराङ द्‍याङगेलाइ तिनावा। कालाउ इम्बालाइ हासुहेङ बुङ इङको लासगेलाइ लिअ्लि मापियाङ।

प्रकास 14:8

इन्ता भेनेङ स्वर्गदुत बुङ हिघाहि जाइ लाङति स्वर्गदुतहेङ पिताइतेङ दोअ्हि, “एला या नासा हि। बेबिलोन सहर हेन्जा नासा हि। इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि, वा गोताङ द्‍याङ जातिगेलाइहेङ ओसारापा हेन्जा मारेम्का ब्यभार धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 16:19

बेबिलोनको माहान सहर सुम टुक्राता खेङनाहि, कालाउ सुमिङ भरिको गोताङ सहरगेलाइ भाअ्पाहि। हाइपालिपानु परमेस्वर इङको बेबिलोनको द्‍याङगेलाइको साजाइको बिसोइता पाका प्रतिग्याहेङ पुरा पाहि। परमेस्वर बेबिलोनहेङ थाङका साजाइ प्याङ। परमेस्वर द्‍याङगेलाइहेङ ओसारापा हेन्जा खाका गोरा आम्पावा, जेदोङता चि मिसालाइका मान्थुवावा। इङको को मतलप परमेस्वर बिना मोनोइसो इम्बालाइ दोफा मारेम्फाङ चेर ताम्पावा।

प्रकास 17:1

इङको न्हि लोङ जाम बात्ति ह्रुहि न्हि लोङ स्वर्गदुतगेलाइ मध्ये एमि काङकोता लोतेङ दोअ्हि, “काङकोता लौउ, का नासेहेङ तिङपाङका कि हेसा परमेस्वर उङको बारका बेस्या हि याको माने बेबिलोन सहरहेङ साजाइ प्याङ, जाइ इन्ता योम्तेङ हि जेता हेन्जा झोरागेलाइ हि।

प्रकास 17:5

वाको कापालता, म्होन्हाका को आर्था ताअ्का एनोङ मिङ इसिका लेखेका हिघाहि, “का माहान सहर बेबिलोन हिघा। का गोताङ वेस्यागेलाइको आमाइ हिघा कालाउ सुमिङता हिका गोताङ द्‍याङगेलाइहेङ का सिद्रिका कामगेलाइ पापाका।”

प्रकास 18:10

कालाउ इदोइ थिकाहोइ इङको जेदोङ पिडा वाको ह्रुता लोहि इङको वाको ह्रुता बुङ ल्वावा, वा दुरे हानितेङ दोअ्हि, “ओइ बारका सहर बेबिलोन! ओइ बल्लियाका सहर! नाअ् बुङ हेथे थिलि गोइका हि। परमेस्वर नासेहेङ आचानाक साजाइ पिहि।”

प्रकास 18:18

जेलाउ इम्बालाइ सहरहेङ ओतेङ हिका मेसो धुवा तिनावा, इङको सोमोइ इम्बालाइ बारका गालाहोइ आहुतावा, “इदोइ माहान सहर भाइका आरु हिदोइ बुङ सहर मान्थु!”

प्रकास 18:2

वा बारका गालाहोइ दोअ्हि, “एला या नासा हि। माहान बेबिलोन सहर हेन्जा नासा हि। हाइपालिपानु गोताङ खाल्को भुत-आत्मागेलाइ, इन्ता हिलि तेङहि। इन्ता सिकाका न्हाम्का जिहाँ जुइलेङगेलाइ ताइको बासा ज्वाङ।

प्रकास 18:21

कालाउ का एनोङ बल्लियाका स्वर्गदुतहेङ तिङघा, जाइ जान्ता भाइका बारका उन्ठुइ तोल्लेका हिघाहि। वा एसा दोअ्काताङ इङकोहेङ समुन्द्रता थाइगिल्हि, “एसापा दोङ बारका सहर बेबिलोन बुङ हेन्जा हिङसानाङ नासाताङ। जेदोङ सुमुन्द्रता थाइगिल्का उन्ठुइ माघुरियाङ, बेबिलोन सहर बुङ हेलाउ बुङ मातिनाङ।

प्रकास 18:24

परमेस्वर बेबिलोन सहरहेङ साजाइ पिहि हाइपालिपानु वासेहेङ परमेस्वरको बक्तागेलाइहेङ, कालाउ परमेस्वरको गोताङ द्‍याङगेलाइहेङ कालाउ गोताङ सुमिङको द्‍याङगेलाइहेङ सेअ्का दुसिका हिघाहि।”