प्रकास 11:6 - Dhimal NT

⁶ जेलाउ इम्बालाइ परमेस्वरको सन्‍देस घोसाना पाका सोमोइता, जेसापा वाइ लोनु इङको वाइ लोलिसो रोकिलि परमेस्वर ओबालाइहेङ खाबारा पिहि। ओबालाइहेङ इदोइ चिजको बुङ खाबारा हि चिहेङ हिति भाइपा इ:का बानाइलि द्वावा, कालाउ प्रिथिबिता गोताङ खाल्को भायानक माहामारिगेलाइ चुमालि द्वावा। ओबालाइ इदोइ काम जेलाउ बुङ पालि द्वावा।

प्रकास 11:6 Iomraidhean Croise

लुका 4:25

काङको काथा हिङसु या जातिङको हि कि परमेस्वरको बक्ता एलियाको पालाता गोताङ इस्राएल सारभिता हेन्जाङ के सिका बेबालाइ हिघाहि, ओदोङ बेला सुम बासार-आधा थेकापा आकाससो वाइ मालोहि, इता थेकापा कि पुराङ इस्राएल सारभिता बार्का आनिकाल जेङका हिघाहि।

प्रकास 11:3

इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

प्रकास 16:3

न्हेतेङ स्वर्गदुत वाको जाम बातिता साजाइ हिघाहि, इङको समुन्द्र ह्रुता हुपिहि। एन्सालाउ दोङ समुन्द्रता सिका द्‍याङको हिति भाइकाङ जेङहि कालाउ ओदोङ भाअ्सिङ, समुन्द्रता हिका गोताङ थोकगेलाइ सिहि।

प्रकास 16:4

सुमतेङ स्वर्गदुत वाको जाम बातिता साजाइ हिघाहि, इङको झोराको झारनागेलाइको समुन्द्र ह्रुता हुपिहि, कालाउ गोताङ चि हिति जेङहि।

प्रकास 8:8

न्हेतेङ स्वर्गदुत ताइको सानाइ म्होहि, इङको सोमोइ एनोङ बारका ओतेङ हिका रा भाइका तिङका आमेने समुन्द्रता हुल्हि। ओदोङ भाअ्सिङ ए तिहाइ भाग समुन्द्रको चि हितिता भाङगाइन्हाहि।