प्रकास 11:4 - Dhimal NT

⁴ इदोइ न्हेनोङ साक्सिगेलाइ न्हेनोङ जैतुनको सिङगेलाइ कालाउ न्हेनोङ चेरादानिगेलाइ दोफा तुलाना पाका हि जाइ परमेस्वरको आगाता जाअ्का हि। कालाउ परमेस्वर गोताङ सुमिङको प्रभु हि।

प्रकास 11:4 Iomraidhean Croise

लुका 11:33

हिदोइ बुङ द्‍याङ गेसा जोलाइतेङ पाथि लिता माअ्ताखे, याते माअ्म्होखे। भरु लिता दुल्काताङ पालाउ झाराङ तिनाको दोअ्तेङ इङको गेसा चेरादानि ह्रुता ताअ्खे।

लुका 21:36

कालाउ चङख हिसु, आइ लागिका इदोइ गोताङ थिलि गोइका काथागेलाइसो बान्चिलि कालाउ का द्‍याङको चानको आगाता न्यायको दिनाता जाअ्लि योग्य जेङलिको भाअ्सिङ दिनाङ प्रार्थाना पातेङ हिसु।

रोमि 11:17

इस्राएल सारभिको द्‍याङगेलाइ रेम्का जैतुन सिङको दालेङगेलाइ भाइका दोङ हि, कालाउ पुर्खा आब्राहाम, इसाहाक, कालाउ केलाइको पुर्खा याकुब इङको सिङको जारि भाइका दोङ हि। कालाउ जेसापा हिदोइ बुङ दालेङगेलाइ पोन्हाहे पानु कालाउ नेलाइ झारभारिको जैतुन जेङतेङ इम्बालाइ दोफा रेम्का जैतुनको सिङता कलमि जेङका हिसुना। यहुदि द्‍याङगेलाइसो नेलाइ फाइदा निङसुन्हा, जेसाङ झारभारिको जैतुनको दालेङहोइ रेम्का जैतुनको सिङता कलमि जेङतेङ इङको सिङसो फाइदा निङका हिसुना।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”