प्रकास 11:3 - Dhimal NT

³ इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

प्रकास 11:3 Iomraidhean Croise

मत्‍ति 11:21

हे कोराजिन सहर कालाउ बेथसेदा देराको द्‍याङगेलाइ, नेलाइहेङ परमेस्वर हेन्जा साजाइ प्याङ! नेलाइको माझाता का जेदोङ सरबुङसाइका कामगेलाइ पाका हिघाखा, इङको काम टुरोस कालाउ सिदोन सहरता पाअ्कानु इन्ताको द्‍याङगेलाइ लाम्फा दोङ पाप लाअ्का तिङपालि बोराको लोखोन होङतेङ कालाउ बुसिरि उधावा।

मत्‍ति 18:16

जेसापा वा नाङको काथा माहिङपिनु, ताइ दोफा आरु एमि-न्हेमिहेङ चुम्तेङ सम्झाइ, हाइपालिपानु मोसाको व्यवस्था आन्सार गोताङ झागाडागेलाइ मिलि पालि न्हेमि माकुनु सुमि साक्सि चुम्पुलि गोइखे।

लुका 10:13

हे कोराजिन सहर कालाउ बेथसेदा देराको द्‍याङगेलाइ, नेलाइहेङ परमेस्वर हेन्जा साजाइ प्याङ! नेलाइको माझाता का जेदोङ सरबुङसाइका कामगेलाइ पाका हिघाखा, इङको काम टुरोस कालाउ सिदोन सहरता पाअ्कानु इन्ताको द्‍याङगेलाइ लाम्फा दोङ पाप पाका लाअ्का तिङपालि बोराको लोखोन होङतेङ कालाउ बुसिरि उधावा।

लुका 24:48

नेलाइ दोङ इदोइ गोताङ काथाको साक्सि जेङसु।

युहन्‍ना 3:27

युहान्‍ना जोबाफ पिहि, हिदोइ बुङ द्‍याङगेलाइ स्वर्गसो मापिपा धाउ वा दोङ हाइ दोङ निङलि माद्वावा।

साल्न्हाका चात्या 1:8

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

साल्न्हाका चात्या 13:31

ताइमि दोफा गालिल जिल्लासो यरुसेलेम सहरता लोका ताइको चात्यागेलाइ दोफा येसु हेन्जा दिना थेकापा देखाल जेङहि, कालाउ वासेहेङ तिङकालाइ एला केलाइको द्‍याङगेलाइको भाअ्सिङ साक्सि हि।

साल्न्हाका चात्या 2:32

इदोङ येसुहेङ परमेस्वर सिन्हु पाहि। इङको काथाको भाअ्सिङ केलाइ झाराङ साक्सि हिनाहि।

साल्न्हाका चात्या 3:15

कालाउ जाइ द्‍याङगेलाइहेङ आनान्त जिबन पिखे, नेलाइ वासेहेङ सेअ्सुन्हा वासेहेङ परमेस्वर दोङ सिकासो आरोङ सिन्हु पाहि, केलाइ या काथाको साक्सि हिनाहि।

1 कोरिन्थि 12:28

ख्रिस्टको इदोइ मन्डलिता परमेस्वर केलाइहेङ खाल-खाल्को कामको भाअ्सिङ नियुक्त पाका हि: एतेङ साल्न्हाका चात्यागेलाइ, न्हेतेङ परमेस्वरको बक्तागेलाइ, सुम्तेङ सिक्स्यकगेलाइ, कालाउ भारबुसाइका काम पाकालाइ, कालाउ एल्पाका बरदान निङकालाइ, कालाउ साघाइकागेलाइ, कालाउ आगुवागेलाइ, कालाउ परिपरिको भासा धुइकालाइहेङ ताअ्का हि।

2 कोरिन्थि 13:1

पबित्तरो धर्मसास्तरता एसापा लेखेका हि, “गोताङ दुसिका न्हेमि माकुनु सुमि साक्सिगेलाइको गवाहि पाहासो साबित पालि गोइखे” जेलाउ का न्हे पोल्तिको दुसुकाता का इन्ताङ हिघाखा, का पापमय काम पाकालाइहेङ लाम्फाङ चेताउनि पिका हिघाखा, कालाउ लाम्फाको पात्ताराता नेलाइहेङ चेताउनि पिका कोनिङ आरोङ का नेलाइहेङ कालाउ बो गेलाइहेङ बुङ चेताउनि प्याङका, एला का सुमतेङखे नेलाइकोता ल्वाङका जेसापा इम्बालाइ आझाइ बुङ पाप पालि लाअ्का मान्थुनु हासु बुङ दन्डसो खाअ्लि मादोअ्खे।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 11:2

कालाउ मुन्दिरको बाहारको सालेङ मादोङसु, हाइपालिपानु इङको थामे इङको द्‍याङगेलाइहेङ पिहि जाइ कासेहेङ खाङधुरि मापाखे। कालाउ इम्बालाइ काङको पबित्तरो सहर यरुसेलेमहेङ न्हे कुरि न्हे माइना थेकापा राज्य पावा।

प्रकास 11:6

जेलाउ इम्बालाइ परमेस्वरको सन्‍देस घोसाना पाका सोमोइता, जेसापा वाइ लोनु इङको वाइ लोलिसो रोकिलि परमेस्वर ओबालाइहेङ खाबारा पिहि। ओबालाइहेङ इदोइ चिजको बुङ खाबारा हि चिहेङ हिति भाइपा इ:का बानाइलि द्वावा, कालाउ प्रिथिबिता गोताङ खाल्को भायानक माहामारिगेलाइ चुमालि द्वावा। ओबालाइ इदोइ काम जेलाउ बुङ पालि द्वावा।

प्रकास 12:6

उङको बेबाल चाहि एनोङ चाका-मान्दा थामेता खाअ्हि। परमेस्वर वाको भाअ्सिङ इसिका थामे तियार पाहि कालाउकि ए-हाजार न्हे साइ सुम कुरि दिना थेकापा वासेहेङ सामाराइयातेङ ताअ्लि द्वाको।

प्रकास 13:5

परमेस्वर राक्सेसहेङ आनुमति पिहि कालाउकि वा ताइको खाबाराको बारेता घमन्ड पालि द्वाको। कालाउ परमेस्वरको आपामान पालि द्वाको। परमेस्वर राक्सेसहेङ न्हे कुरि न्हे माइना थेकापा थुनिहि।

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”

प्रकास 20:4

कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।