प्रकास 11:18 - Dhimal NT

¹⁸ जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 11:18 Iomraidhean Croise

मत्‍ति 5:12

एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

लुका 1:50

जाइ परमेस्वरहेङ थिखे वाको दाया पुस्तासो पुस्ताङ थेकापा हितेङ ह्यावा।

हिब्रु 9:27

झाराङ द्‍याङ एखे सिलि गोयाङ, कालाउ सितेङ परमेस्वर गोताङ द्‍याङको न्याय पाङ।

प्रकास 10:7

एला धिला माजेनाङ। जेसाङ दोङ न्हितेङ स्वर्गदुत ताइको सानाइ म्होतावा कालाउ परमेस्वर एन्सालाउ दोङ ताइको काम पावा। वाको म्होन्हाका योजाना बुङ पुरा जेनावा, जाइ वा ताइकोङ बक्तागेलाइहेङ दोअ्का हिघाहि जाइ वाको सेवा पाखे।

प्रकास 11:2

कालाउ मुन्दिरको बाहारको सालेङ मादोङसु, हाइपालिपानु इङको थामे इङको द्‍याङगेलाइहेङ पिहि जाइ कासेहेङ खाङधुरि मापाखे। कालाउ इम्बालाइ काङको पबित्तरो सहर यरुसेलेमहेङ न्हे कुरि न्हे माइना थेकापा राज्य पावा।

प्रकास 13:10

जेदोङ द्‍याङ झ्यालखानाता परिलि गोइका हि, वा जातिङकोङ झ्यालखानाता परियाङ, कालाउ जाइ तरवारहोइ सेअ्न्हालि गोयाङ, वा जातिङकोङ तरवारहोइ सेअ्न्हाङ। ओदोङ भाअ्सिङ परमेस्वरको द्‍याङगेलाइ कस्टगेलाइको सोमोइता धैर्यता ताअ्लि गोइखे कालाउ परमेस्वरता जेलाउ बुङ भोरोसा पातेङ हिलि गोइखे।

प्रकास 13:16

न्हेतेङ राक्सेस गोताङ द्‍याङगेलाइहेङ बाध्ये बानाइहि, जाइ महत्वय पुर्न कालाउ जाइ महत्वय हिन हि, धनि कालाउ गरिब, बान्धाइति माकुनु जाइ बान्धाइति माजेङका, कि उङको झाराङ द्‍याङगेलाहेङ लाङति राक्सेसको मिङ ताइको दाम्पाहा खुर माकुनु ताइको कापालता छाप लागाइयाको।

प्रकास 15:1

जेलाउ वा दोअ्लि दोहि, का आकासता एनोङ भेनेङ फरक चिन्हा तिङघा, जेदोङ हेन्जाङ आचाम्माको कालाउ हेथे थिलि गोइका हिघाहि। न्हि लोङ स्वर्गदुतगेलाइ न्हि लोङ भेनेङ खाल्को बिपतिगेलाइ चुमाका हिघाहि। इदोइ बिपतिगेलाइ आम्तिम हि हाइपालिपानु जेलाउ इदोइ नासातावा कालाउ परमेस्वरको चेरचुङ दोकावा।

प्रकास 18:6

ओदोङ भाअ्सिङ का दोअ्दोङखा, जेसाङ बेबिलोन सहर भेनेङ दोफा पाहि, वाको दोफा बुङ इन्सिकाङ पाअ्‌। याको गोताङ दुस्ट कामगेलाइ खान्तेङ, न्हे गुना हेन्जा घुरि पापि। इङको सहरको भाअ्सिङ न्हे गुना सरबुङसाइका याताना तियार पापि, इङको याताना भाइका जाइ वा आरु द्‍याङगेलाइहेङ पिका हिघाहि।

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 19:18

लौउ कालाउ राजागेलाइ, आर्मिको नेतागेलाइ, ओह्याँगेलाइ कालाउ ओबालाइको ह्रुता धोल्कालाइको सिका जिउको बिहा चाअ्सु। नेलाइ गोताङ सिका द्‍याङगेलाइको बिहा चाअ्लि दोस्वाना, चाहे वा बान्धाइति कालाउ स्वतन्तरो हि, बारका कालाउ म्हुइका हि।”

प्रकास 19:5

कालाउ इङको सोमोइता, का हासु बुङ नुइ धुइका हिङघा। कालाउ वाको गाला इसिका लागिहि कि जेसाङ परमेस्वरको सिङहासनसो लोका हिघाहि। वा दोअ्हि, “नाअ् दोङ केलाइको परमेस्वरको सेवकगेलाइ हिना कालाउ नाअ् वासेहेङ थि। चाहे नाअ् महत्वय पुर्न हि चाहे महत्व हिन द्‍याङगेलाइ हिसुना। केलाइको परमेस्वरको बाखानाइ पासु!”

प्रकास 20:12

कालाउ का सिङहासनको आगाता सिका द्‍याङगेलाइहेङ तिङघा, जाइ, महत्व पुर्न कालाउ महत्वहिन हि। जाइ समुन्द्रता दुबेतेङ सिका द्‍याङ हिघाहि, तोमगेलाइता हिका झाराङ सिका द्‍याङगेलाइ, जाइ सिकालाइको थामेता हिघाहि, इम्बालाइ झाराङ सिङहासनको आगाता जाअ्हि। कालाउ गोताङ किताप खोलेहि, कालाउ जिबनको किताप बुङ खोलेहि। सिका द्‍याङगेलाइ जेदोङ गोताङ काम पाहि इङको कितापता लेखेका हिघाहि कालाउ इङको कामगेलाइ आन्सार इम्बालाइ झाराङहेङ न्याय पिहि।

प्रकास 22:12

आरोङ प्रभु येसु दोअ्हि, “का धेमाङ लोदोङखा। गोताङ द्‍याङगेलाइ जेदोङ पाहि इङको को आन्सार वासेहेङ इनाम माकुनु दन्ड पिलिको भाअ्सिङ, का ल्वाङका।