प्रकास 11:10 - Dhimal NT

¹⁰ इङको न्हेमि साक्सिको सिकाको कारन, सुमिङता हिका द्‍याङगेलाइ खुसि जेनावा। कालाउ इम्बालाइ भोज पावा कालाउ एमिसो भेनेङहेङ उपाहार प्यावा, हाइपालिपानु इङको न्हेमि परमेस्वरको आगमबक्तागेलाइहेङ जाइ इम्बालाइहेङ लागातार याताना पिहि, एला इम्बालाइ सिका हि।

प्रकास 11:10 Iomraidhean Croise

मत्‍ति 10:22

हाइपालिपानु नेलाइ काङको ह्रुता खाङधुरि पास्वाना नेलाइहेङ झाराङ थोअ्तावा। कालाउ जाइ का ह्रुता खाङधुरि पातेङ हि कालाउ जाइ चाहि ताइको जिबन आम्तिम थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

युहन्‍ना 16:20

जातिङ भारि का नेलाइहेङ दोअ्खा, नेलाइ का सिलि दोतेङ खारस्वाना कालाउ कापाल ठेअ्स्वाना, कालाउ सुमिङको द्‍याङगेलाइ लेङचावा। कालाउ नेलाइको मन थुरावा, कालाउ नेलाइको सोक आनान्दता बद्लियावा। जेलाउ का आरोङ सिन्हुतेङ सिन्चाल्तेङ ल्वाङका।

युहन्‍ना 7:7

सुमिङ नेलाइहेङ सिकालि माद्वाङ, कालाउ कासेहेङते सिकातावा हाइपालिपानु सुमिङको बिसोइता वाको कामगेलाइ दुस्ट हि दोअ्तेङ का साक्सि पिखा।

साल्न्हाका चात्या 5:33

जेलाउ माहासभाको सदस्यगेलाइ या काथा हिङहि इम्बालाइ ओसारापाङ चेर ताम्पाहि, कालाउ छाल्न्हाका चात्यागेलाइहेङ सेअ्लि खाङघाखे।

1 कोरिन्थि 13:6

हिदोइ बुङ द्‍याङगेलाइ हासुहेङ बुङ मारेम्का पातेङ खुसि माजेङखे, कालाउ इम्बालाइ सहि कालाउ सत्ये काथाता लेङचाखे।

प्रकास 12:13

जेलाउ इङको बारका आजिङगर ताइमिहेङ प्रिथिबि ह्रुता थाइगिल्का थाहा गिहि, कालाउ वा उङको बेबालहेङ पिताइहि जाइ उङको चानको जोलोम पिहि।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 16:10

नातेङ स्वर्गदुत वाको जाम बातिता जेदोङ साजाइ हिघाहि वा राक्सेसको सिङहासनको ह्रुता हुपिहि। कालाउ इङको को कारान, वाको गोताङ राइजि कितिकितिहि। कालाउ द्‍याङगेलाइ मारेम्फाङ तुकाको कारन ताइको देतोङ चिहि।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।