प्रकास 10:6 - Dhimal NT

⁶ स्वर्गदुत इङको मिङको केरा चाहि जाइ जेलाउलाउ बुङ सिन्हुका हितेङ हिखे, वा दोङ स्वर्ग, प्रिथिबि, समुन्द्र कालाउ इन्ता हिका गोताङ आमेनेगेलाइ सिरजाइहि। स्वर्गदुत दोअ्हि, “हिदोइ बुङ काथाको भाअ्सिङ आरु ह्रुम्लि आवास्यक मान्थु। गोताङ आमेने एला पुरा जेनाङ।”

प्रकास 10:6 Iomraidhean Croise

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 12:12

ओदोङ भाअ्सिङ इता स्वर्गता हिका नेलाइ झाराङ आनान्द जेङसु! कालाउ नेलाइ झाराङ जाइ प्रिथिबि कालाउ समुन्द्रता हिका, नाअ् या हेथे थिलि गोइका हि। हाइपालिपानु साइतान नाङकोता लेता लोका हि। वा हेन्जा चेर ताम्पाका हि हाइपालिपानु वा गिखे कि वाको दोफा काम पालि हेन्जा सोमोइ मान्थु।”

प्रकास 16:17

न्हितेङ स्वर्गदुत ताइको जाम बातिता जेदोङ साजाइ हिघाहि वासेहेङ भेरमाता हुहि। कालाउ स्वर्गता हिका मुन्दिरको लितासो परमेस्वरको सिङहासनसो, का हासुको बुङ इसिका ह्रिकाइतेङ हिका हिङघा, “का गोताङ काम पुरा पाघा।”

प्रकास 21:6

आरोङ वा कासेहेङ दोअ्हि, “एला गोताङ पुरा जेङहोइ। का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा। जाइ चि आम्लि किका हि का इम्बालाइहेङ ताजा चि आम्पालि चुम्पुवाङका जेदोङ ए पाइसा माकोसिङ जिबनको चि आम्लि प्याङका।

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 4:9

जाइ सिङहासनता बिराजमान हिका हि वा दोङ हि जाइ जेलाउलाउ बुङ सिन्हुका हितेङ हिखे। जेलाउ बुङ हुसि हिका प्रानिगेलाइ वासेहेङ महिमा, आदार, कालाउ धन्यबाद पिखे, ए कुरि द्‍यामि आगुवागेलाइ वाको आगाता तुघुरतेङ वाको आराधाना पाखे। इम्बालाइ ता-ताइको मुकुट सिङहासनको आगाता ताअ्तेङ या दोअ्ताङ:

प्रकास 6:11

कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।