प्रकास 10:5 - Dhimal NT

⁵ कालाउ जेदोङ स्वर्गदुतहेङ समुन्द्र कालाउ काम्भेता खोकोइ ताअ्का का तिङघा, वा ताइको दाम्पाहा खुर स्वर्ग भारि तोल्लेहि जेदोङ केरा ह्रुलिको भाअ्सिङ हिघाहि।

प्रकास 10:5 Iomraidhean Croise

साल्न्हाका चात्या 14:15

“ओइ द्‍याङगेलाइ, नेलाइ हाइ पालि इसिका कामगेलाइ पासुखेना? केलाइ बुङते नेलाइ भाइकाङ दुख-सुख भोगेका द्‍याङगेलाइ खिनिङ हिनाहि, कालाउ केलाइ नेलाइहेङ प्राचार पालि लोन्हाहि कालाउकि नेलाइ इदोइ ब्यर्थको काथागेलाइ लाअ्तेङ सिन्हुका परमेस्वर भारि जेदोङ परमेस्वर स्वर्ग, प्रिथिबि, समुन्द्र कालाउ इङकोता हिका गोताङ आमेने बानाइहि।

साल्न्हाका चात्या 17:23

हाइपालिपानु का नेलाइको सहरता घुराइगिल्तेङ हानिलाउ नेलाइको पुजिका आमेनेगेलाइ बुङ तिङघा, का इन्ता एनोङ बेदि बुङ तिङघा जेता लेखेका हिघाहि, “आग्यात दिरगेलाइको भाअ्सिङ” ओदोङ भाअसिङ जाइहेङ नेलाइ मानाल्सिङ आराधाना पासुखेना, का वाकोङ बारेता दोअ्तेङ हिघा।

रोमि 1:20

परमेस्वरको आनान्त सरबुङ कालाउ स्वभाव तिङलि मादोखे। कालाउ सुमिङ सिरजाइकाको सुरुसोङ, परमेस्वर ताइमि दोङ बानाइका इङको गोताङ हिसिका हि दोअ्तेङ तिङपाका हि। ओदोङ भाअ्सिङ उङको द्‍याङ दोफा हिदोइ बुङ बाहाना मान्थु।

हिब्रु 6:13

परमेस्वर आब्राहाम दोफा प्रतिग्या पालाउ वा ताइको केरा चाहि, हाइपालिपानु वा खान्तेङ बार्का आरु हासु बुङ मान्थु, जाइको मिङ ह्रुतेङ वा केरा चालि दोअ्धावा।

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 10:2

वाको दाम्पाहा खोकोइ समुन्द्रता हिघाहि, कालाउ वाको केपाहाको खोकोइ काम्भेता हिघाहि। कालाउ वाको खुरता एनोङ खोलेका म्हुइका किताप हिघाहि।

प्रकास 14:7

वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 16:17

न्हितेङ स्वर्गदुत ताइको जाम बातिता जेदोङ साजाइ हिघाहि वासेहेङ भेरमाता हुहि। कालाउ स्वर्गता हिका मुन्दिरको लितासो परमेस्वरको सिङहासनसो, का हासुको बुङ इसिका ह्रिकाइतेङ हिका हिङघा, “का गोताङ काम पुरा पाघा।”

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 4:9

जाइ सिङहासनता बिराजमान हिका हि वा दोङ हि जाइ जेलाउलाउ बुङ सिन्हुका हितेङ हिखे। जेलाउ बुङ हुसि हिका प्रानिगेलाइ वासेहेङ महिमा, आदार, कालाउ धन्यबाद पिखे, ए कुरि द्‍यामि आगुवागेलाइ वाको आगाता तुघुरतेङ वाको आराधाना पाखे। इम्बालाइ ता-ताइको मुकुट सिङहासनको आगाता ताअ्तेङ या दोअ्ताङ: